一

突然心血來潮諗起剛去留學嘅一些片段，畫面係一落機至第一次接觸「唐人」， 記憶中每日基本上都無乜陽光，天氣又凍，期間個種落幕感真係非筆墨可形容…

一落機就見到一位老外，手持一塊接機牌，於是就走咗埋去，當期時原來得我一個客仔，就係咁上咗車~ 係去home stay 嘅過程中，兩眼就不停東張西望係到發掘city嘅位置~ 但眼見就只有平房+青草，再過多一陣~ 終於見到幾棟有層數嘅建築物，與此同時就對住接機條友發動咗係外國嘅第二句英語 “City?” (第一句係”hello~”)，「個幾棟高樓大廈加埋就叫city?!」心諗。粒幾鍾後終於到達”home stay”，一落車就有位身高五呎十吋高嘅婆婆(homeMum)企咗係面前，陌生感亦由那一刻開始入侵體內(因為一路以黎都未遇過咁高嘅老人家)~
2
出門時父母再三叮囑到步第一時間要打電話返屋企報平安~ 於是收拾行李後就問homeMum如何打電話返屋企，點知姖嘅答案係「香港區號係咩?」，古唔到姖竟將答案轉移成問題，而我又偏偏答唔出野… 當時係十幾年黎第一次覺得自己「點解可以咁廢!」，加上正直少年嘅我，面對咁嘅畫面，心情簡直晴天霹靂~ 心內不段出現「點算‧搞咩」等等嘅無助詞… 呀homeMum見我神色凝重，於是就竭進所能問咗幾位朋友後得到一個答案「852」。

第一晚，訓得非常不知所操，好無安全感，第一次感覺到與家人嘅距離… 第二朝醒來，認真地「打量」咗成間屋一次，總括係「全木製舊家具‧扭調轉台式電視‧貼滿字條舊式電冰箱‧吋半長毛地毯‧慌廢後花園‧獨立坐廁間‧好多門‧五呎十吋高婆婆‧退伍老兵(homeMum老公)‧同齡老狗(17歲)」，「點算‧搞咩」又再出現係腦海中…

頭一兩日用咗homeMum太多長途電費，因此第三日，姖終於車咗我去一間便利店到買長途電話卡~ 店主係一對中國夫婦，亦係幾日來第一次接觸嘅唐人，一古莫名其妙嘅親切感就係同佢地以國語溝通時湧現，個種熱血感覺又係「第一次」。時間消逝，距離開學日子重有兩三日，每日都無所事事，陌生+無奈嘅生活，每日最興奮嘅時段就係與家人通電，好記得二家姐講嘅一句話 - 「返咗學就無野咖啦~」，亦因為呢句野，十幾年黎第一次有渴望返學嘅感覺~

因為留學，所以有咗好多「第一次」，當中有苦有甜，亦有好多事物伸展到現在，演變成一樣重要元素去面對將來更多嘅「第一次」，老老實實~ 由出發至今袋咗咁多「得著」，真係要充心多謝呀媽呀爸呀姐嘅無盡支持!

富

早兩日係"Travel Living Channel” 睇咗一段介紹印度嘅節目，一路以黎對印度呢個國家都有非常&極大嘅興趣，原因係「誇而不沌」。

話返轉頭，個節目內容大至上係圍繞住一個印度皇室，當中大多時間係由一位所謂嘅公主帶領一位節目主持人去參觀座皇宮，睇/感受下皇室成員們日常嘅生活。當然~ 宮內金碧輝煌就不在話下，直情拍晒所有華麗場面，睇得特奇過癮! 但最吊詭嘅一段就係當節目主持與皇子相處嘅一莫…

主持人啱啱介紹完呀大皇平時嘅興趣係渣飛機，接著就介紹佢個仔，呀皇子個樣都有24-28歲，而興趣就係放飛機~ 係搖控飛機~ 閒時亦會打下馬球，當主持人介紹皇子玩馬球嘅同時，呀皇子亦吞吞吐吐咁用英文介紹一匹黑白色嘅馬，大至上係唔知佢嗡乜，呢個時侯呀主持人就幫佢重複解話多一次(唔知點解主持人明白~)，經由主持人一解後，對個匹黑白馬嘅感覺係一個字 - 「廢」，一d都聽/睇唔出有咩特別之處係值得介紹，感覺係「點解唔養班馬算~」。

講完隻馬，就開始介紹皇子嘅日常業務，呀皇子原來擁有一隊木球隊~ 睇到呢到… 一如所料，條友直頭係一無事處~ 亦頓時覺得香港嘅二世祖都唔係咁差，最起碼大多能夠講到一口卷舌英語先~

待

一路以黎都好討厭「等」任何事物來臨嘅過程，如果話…「等」係為咗一些渴求，就真係要睇吓到底要等幾耐… 稱得上為「渴求」，更係唔係話飲罐"加士百"咁簡單... 最後到底可唔可以如願以償~ 都仲係一個未知數，所以好多時又會選擇離場，價值觀問題…

好多時都聽身邊嘅人講「時機未到，可以做嘅就只有等~ 」- 唔係話錯晒，但好肯定係「錯」! 錯係錯在「白等」，真真正正乜都唔做，諗住遲早都會到~ 其實好多野都可以係其等嘅過程中，做一些其他野去填補「等」中嘅空隙。

幼兒時，多數日子都係等待放學，因為可以見父母~ 小學時，多數日子都係等返學或小息，因為可以玩「古錢」~ 中學時，多數日子都係等放學，因為可以做校隊訓練~ 剛去留學時，多數日子都係等放假，因為「懶」~ 大學時，多數日子都係等發成績，因為有期望~ 總括黎講，一d都唔享受以上所有「等待」嘅過程，個種感覺係使擔心、使發愁、使不安寧、騷擾、折磨、撕咬、嚙碎、反覆撥弄同憂慮的… 一句講晒「討厭等待嘅過程」! 雖則如此，但今日嘅討厭，並唔代表將來亦如此~ 因為更明白到「耐性」總比「急躁」為之優越，係等待嘅期間唯一學到就係「耐性」。

好多情況下，其實可以選擇「等」或者「唔等」，然而亦有好多野係明知結果好難接受，但都係要硬著頭皮去等待姖嘅來臨，例如「生離死別」… 可以肯定無人會享受等待呢樣野黎嘅過程，更唔想感受等待身邊任何一個人嘅離別，但無奈嘅係可以做嘅就只有去「面對」…

派

已有好一段時間無唱過”K”，其中一個理由係唔想睇到人們「樂極而悲」嘅畫面… 以前好多時都遇到d女仔一經熱身後，係酒酣耳熱嘅情況下就會”ban”埋一邊留馬尿，一唔係就一兩個子妹”壘”埋一角，神色凝重~

時代變，情景亦因此而變，係資訊發達嘅今日，男男女女都開始將一切埋怨或真相經由短信形式傳遞，”K”房已成為一處重要嘅信息消耗站~ 一處明明應該開心嘅地方，影變為按建盤 + 七情上臉表情宣洩站… 「把鬼」~ 仲可悲嘅係呢種風氣亦正向一些私人生日派對(1)吹襲中~

(1) 即係包場，根住請幾廿百人黎慶祝但參與者通常係朋友嘅朋友，甚至係朋友嘅朋友嘅朋友~ 總之最終都係同番身邊幾位好友玩足成晚… 便為「把鬼」嘅行經~

玩

生活或返工沉悶嗎?! 去以下呢個網站玩啦~
http://www.bored.com
個名就叫”bored.com”，入面嘅無聊遊戲真係多元化，啱啱玩咗兩個:

“Spelling Quiz”玩法好簡單，生字對錯二選一，其中一個係串錯嘅，簡啱個個，總共50題… 玩咗之後確實感覺有點無聊…　但原來仲未完，之後佢仲會計埋個”百分比:” 比你睇，睇吓有幾多個人係同您一樣簡錯咗呢個字～　同埋，目前為止已有七十幾萬人玩過…　咩係無聊嘅定義?!

另外一個叫"Email Time Capsules"玩法仲簡單，奇封email比將來嘅自己，時間自己定～
啱啱打完一篇，水蛇春咁長～　內容全部都係現時圍繞住自己嘅事物，例如家庭、朋友、興趣、工作同生活…　亦因為打咗好多野，所以backup咗一封係email account到，真多餘!(好驚會經常睇～)，仲有一樣非常重要嘅野要注意，*只可打英文…　如果唔係幾廿年後就會收到封怪文email，到期時少佢都無謂～

"Spelling Quiz"
(http://www.bored.com/badspelling/detail.php?type=1)
"Email Time Capsules"
(http://www.bored.com/emailcapsules/)

醜

無無聊聊咁(1)睇咗一個交友網站(2)，過癮之處係主攻同性(咁至稱得上為確確實實嘅「無聊」)，當中有位人兄係”個人簡介”寫到「樣貌: 一般 / 醜樣(想打巴我既除您啦~)」，睇到呢句加上佢張「車頭相」，真係失禁地咇咗一滴笑聲出黎~

咇歸咇~ 但女仔就係需要呢種態度，靚仔只係作幻想之用(especially sex)~ 一如所料，呢條友嘅點擊指數真係爆咗燈，由此可見，現今無論品牌、電影、明星、音樂或結緣… 總之成個氣候都係沖積著一古character味道~

(1) 終於識打個「咁」字，咁拜拜啦「禁」…
(2) 永遠都係呢句開場白，唔通話「百忙之際睇咗個交友網站~」咩~

受

買醉、去賭場輸錢、跑馬拉松搞到入廠、吸毒、請情人食飯但無下文、供樓、睇八級小電影、學”Jackass”行經、睇三世書、玩神打、結婚又離婚、買六合彩、養咗隻五奕仔…等等…等等… 以上嘅舉動都可以括一統稱為「貼錢買難受」。

以常理黎講，比咗錢(付出)，理應得到嘅係快樂或滿足感，但奈何萬事又豈能盡如人意吖~成日聽人講話付出唔一定要回報… 禁到底付出黎為乜?! 其實付出就點都會有些回報嘅~ 問題係個回報係咪您想要嘅回報，如果同所想嘅成陽性反應~ 禁就統稱為「貼錢買難受」~

有時付出嘅過程又會不其然禁超出咗原先嘅諗法，好似買啞鈴禁，為嘅係強身健體，過程係 - 走去健身商店選啞鈴，比錢，啞鈴得手，返歸~ 舉呀舉~舉呀舉~ 一段時間後，得到一副健康又健美嘅身軀~

但經過琴晚親身體驗，真實過程係 -走去健身商店選啞鈴，比錢，根住條友話驗吓貨先，唔好到時有問題又拎返黎換~ 第一反應係… 「個幾舊鐡驗乜Q吖~」，當然，無講出黎~ 接住描咗兩眼對啞鈴，根住就答佢「OKAY啦～」，點知佢又問重量點？！　好似硬要舉兩野先很收貨…　最後為有舉兩吓，再笑住講「近乎完美～」，就係禁，佢收拾一切，成副啞鈴禁“隊”埋黎，一提之下，發覺“幾舊鐡”加“幾舊鐡”原來係非一般禁重…　用盡各種手法去拎，再加上之前個幾吓驗貨行為，經已傷咗少少元氣，感覺係「好Ｑ重，做乜貼錢買難受」～　

影

活動教學~ 兩舊幾水~

舉

琴晚‧一收工趕頭趕命禁趕返居企睇場live show，結果真係不往此「趕」～　頭個段以為「粉袋」會被個九千幾億外匯儲備搞到不知所操，點知佢表現淡定，一於死雞粲飯盍，欣賞佢嘅「粲」「爛自信」!

2012就首當其衝成為琴晚重要嘅論題，講就係人都識，如要做到「口」「手」並用就非一般動作，需要嘅係協調~ 大多市民都話想普選呢個行經，但又有無諗過自己到底ready未，為爭倒曾~ 多餘~ 睇吓個條「毛」! 個條禁嘅毛就係一人一票咇出黎嘅結晶品! 不論事無大小都有條毛都出黎自娛一番，佢應該有張綠卡係身(唔係美國個張)~　唔係點解可以禁放縱地失常?!

實現2012，就先要有質素性選民，而要擁有質素嘅選民就理應由教育問題開始著手，兒童/少年就係未來主人翁駡~ 亦係將來手持一票嘅選民(如果普選夢達成)，但無奈地從未聽取有人讚賞過現今教育架構，有能力… 大多數人都會送仔女出國留學，一個二個黃金青春期都係港外導過，有d讀完直情留埋係異鄉，返得黎個d又對香港無乜歸屬感… … … 點ready?!

民主?! 為咗繁榮穩定?! 定話想自己創造繁榮穩定?! 現在經已係前者，而憑依加禁嘅狀態您又能做到後者嗎? 普選機會係會有，但都係個句「機會是給一些準備好的人」。