恨
二月廿七日，又愛又恨。
早係成個月前，「羅拉」至電話有林海峰talk show睇，我二話不說就答應出席，日期係二月廿七日。上星期公司話二月尾有個exhibition係馬交舉行，公司亦要出展，跟住落黎就係做到扒街，越近新年就越忙，真係有無「九菜」… 手投上有一大堆野要趕住係展覽會前完成，根本懶得理個展覽會確實日子，直至琴日先發現日期係: 27-29 Feb 2008。
有無「九菜」x2，有無可能撞到咁吖! 最大問題係地點仲要係馬交，有無「九菜」x3，成個二月簡直就係地獄，但我相信自己天生就係一位使者，專打地獄，我會用盡一切辦法去打爆佢! 請假也~
忙都係忙係展覽前嘅工作，基本上舉行當日都係行行企企食番兩味就收皮，打後兩日先會有更深層嘅接觸，當然呢啲都係以經驗而一相情願嘅諗法，但無辦法，我真係好需要去睇林狗talk show!!! 亦因如此到呢一刻都未打算call「羅拉」去取消廿七號晚嘅行程。
吖~ 講多無謂，好可能當日展覽場館有更多野會令我卻步，但首選一定係「林海峰求其大合唱」!!!picture(oil) by Yue Min Jun - http://www.yueminjun.com/cn/gallery/oil/oil13.html
市
琴日個市跌近二千點，歷來跌得最金嘅一日(21,757.631點)，今日恆指收市報24,090.170點，爆升二千幾點，歷來升得最金嘅一日(2,332.54點)，兩日製造咗兩個「最」，唯獨香港人先做到啲咁嘅野~
我係一個金融(投資)白癡，層面只在於聽聽消息(媒體)，跟跡買賣，「圍威喂」睇吓吹吓，即係大多數所謂投資者果種(香港)。如果以咁嘅投資方式去經營投資，實有一鑊金金地，但又未至於死，一身散都夠受… 講到好似好「有」咁，實質又係「圍威喂」睇吓吹吓…
時不與我，如果我有一百幾廿萭，我實行轟晒落去個市度，無辦法~ 我承認我係一位短視而存有賭博心態嘅一位香港人，呢一刻~~~ 因為我無一百幾廿萭係手。
假設我呢一刻真係有一百幾廿萭，就真係要睇吓點解會有呢一百幾廿萭係手，如果係抄賣投機得番黎嘅，我敢肯定呢一刻一定會轟晒落去個市度，相反，如果係靠雙手同分析或勞動得番黎嘅，我就會一Q樣都係轟晒落去個市度，因為我實在太有信心個市一定會爆升，值至一日佢爆跌… 跌到驚，跌到青，跌到鴉鴉聲(靜)…
「圍威喂」睇吓吹吓姐~ 又係時候講拜拜!
家
呢排彷彿無咩值得記載，度日如年。上週末終於睇咗「色戒」，簡直被「王佳芝」內外韻味完全迷倒，於是電影完結後第一時間走去樔吓「湯唯」嘅資料，唔睇好過睇，「湯唯」完全唔係「王佳芝」果回事… 但無論如何戲中嘅「湯唯」確實做得好好。
當年嘅國內年輕人，基本上都以愛國為榮，係資訊封閉嘅環境下，即使大學生(基本上係每個人)亦更覺天真，係佢地眼中香港就係一個特務溫床嘅城市，資本社會就係魔域，因此係果陣史夠膽偷渡或黎港嘅人士都比一般人強，睇吓依加頭果幾位香港富商就知，仲有千萬個暗啞底富豪…
佢地嘅成功唔多唔少係因為擁有一套自己嘅想法，即使親眼睇到同親眼聽到都嘅都未必係事實嘅一切，要做到咁首要條件就係「勇敢」，當然亦有數之不盡嘅人係死於勇敢，但死於勇敢都好過死於非命，所謂有啲意義~
再講係我地嘅社會裡，「錢」就係意義嘅定義，朋友關係如此，男女關係如此，公義關係如此，乜Q關係都如此，如果我地生於抗日年代，肯定大多數人都會選擇做「漢姦」。以前就話有「國」先有「家」，依加就各為其家(庭)，有錢嘅國家就係「家國」，回歸前有幾個人肯參選港區人大代表?!加吓就個個「心係家國」… 唔通唔移民就代表愛國?!… sigh~
凌
現在係凌晨3.30am，人生以黎最夜(早)嘅一次打野，有咁嘅機會，首當其衝要多謝公司，因為加陣仲係公司，頂佢個肺~
我都唔知呢一刻係樹做梗乜，要搞嘅都搞晒，就連blog都寫埋，可想而知有幾忙… 老細亦唔知係到做緊乜，基本上係成晚都唔知做咗啲乜，但無奈佢又要坐係公司震住大家，第日仲要做Presentation，理應返歸訓番覺，但偏偏又要坐響樹，吹脹~
搞咗成晚，啱啱得得黎一句「聽日放假啦吓~」…
空
呢兩日睡眠極度不足，驅使精神直線下滑，鬼死咁多野做，年尾流流心情已經不在作戰狀態，何況對一位基本上都無乜戰鬥力嘅人黎講就更提唔起勁。
目前正處於一個無人狀態嘅公司內(除咗自己)，身邊只有收音機內嘅電台DJ陪伴著，手頭上嘅工作大多都已塵埃落定，咁嘅環境下就最好… … …
人生如此，生活如此，工作如此，感情如此，越自由越墮落… 當然不能一概而論，「大概」而論得啦掛~三日唔埋就講句「係時候」乜乜，講得多就連口內嘅味雷都噴晒出黎，所有味道都無晒… 無錯好多野係急唔黎，但有D野您唔「急」住做嘅話就真係唔會「黎」，又係矛盾…
好矛盾，好矛盾，簡直係交叉點上嘅矛盾，智障~ Let’s Fight!
順
大大話話有十幾日未接觸過呢樹，有心無意(懶)，都係果句~ 呢排又係有好多點滴值得記載，話明係「點滴」就便容易忘記，即係話呢一刻都經已唔係好記得了… sigh~
順便說說，有新公司出offer，依加都係傾梗人工嘅問題，轉嘅話人工上會有「啲」突破，問題就係個「啲」度，因此依加仲係討論中… 有待回復，再添「啲」應該都轉硬，或五日工應該都轉硬，或朝九晚五百分百零OT應該都轉硬，迷途孤燕… 順便說說，最近有兩句「金言」係非常值得去記錄底~
「以投資角度來說，「美麗」是生命中的「負資產」，「美麗」不會隨著時間而增值。下刪百字~」
- 對一些自己為以美麗就能得到「金龜」嘅女仔會好有啟發。
「越忙的人，越有時間。」
- 對一些自己為以好忙而乜都唔去做嘅人會好有啟發。(我)
順便說說，好想放假，但就算放假又唔知有咩好做，應該話有咩係值得係放假嘅時候先去做，基本上平時都可以做嘅野又做乜要留係放假先做呢?!即係放唔放假對我黎講都好似無乜意義，尤其假期嘅我都係倒塔咁早就起身，況且要我放假就好似屍體般攤係屋企，咁不如真真正正做一件「屍體」好過，死咗去算~ 大部分活動都無法推動我嘅意欲，非常矛盾… 一定要搵啲新興趣!
順便說說，今晚又係一年一度嘅「鷯哥」生日，今次係唱K，已經有大約兩年未接觸過「咪高峰」，對一個唔多聽又唔唱得又唔劈得嘅人黎講，唱K簡直係毫無意義可言，因此我咁鍾意去派對，起碼唔洗劈而又可以Un吓~ anyways, 今次要多謝「鷯哥」比咗個咁有意義嘅機會，等我可以再次搭上呢個K場。
順便說說，講咗咁耐，係時候工作了。
