恨

二月廿七日，又愛又恨。

早係成個月前，「羅拉」至電話有林海峰talk show睇，我二話不說就答應出席，日期係二月廿七日。

上星期公司話二月尾有個exhibition係馬交舉行，公司亦要出展，跟住落黎就係做到扒街，越近新年就越忙，真係有無「九菜」… 手投上有一大堆野要趕住係展覽會前完成，根本懶得理個展覽會確實日子，直至琴日先發現日期係: 27-29 Feb 2008。

有無「九菜」x2，有無可能撞到咁吖! 最大問題係地點仲要係馬交，有無「九菜」x3，成個二月簡直就係地獄，但我相信自己天生就係一位使者，專打地獄，我會用盡一切辦法去打爆佢! 請假也~

忙都係忙係展覽前嘅工作，基本上舉行當日都係行行企企食番兩味就收皮，打後兩日先會有更深層嘅接觸，當然呢啲都係以經驗而一相情願嘅諗法，但無辦法，我真係好需要去睇林狗talk show!!! 亦因如此到呢一刻都未打算call「羅拉」去取消廿七號晚嘅行程。

吖~ 講多無謂，好可能當日展覽場館有更多野會令我卻步，但首選一定係「林海峰求其大合唱」!!!

picture(oil) by Yue Min Jun - http://www.yueminjun.com/cn/gallery/oil/oil13.html