亂

今朝係我返工以黎最混亂嘅一朝~
坐坐吓九巴士竟然有一鼓暗湧係我腹部湧現，於是我試圖去全神貫注係音樂上，可惜d暗湧好似好"buy"d 音樂禁，根除節奏一步一步禁跳躍起黎... 當時仲要係高速公路，有耐先到站... 嘩~ 個種感覺真係非筆墨可形容! 堅持+忍耐 (actually I have no choice...) 終於到咗市區，心諗"真係謝天謝地...到咗繁榮嘅市區就等於九巴士要埋站啦~" 點知過份繁榮「塞車」! 架九巴士郁都唔郁，與此同時係我眼前出現咗一句slogan「九巴服務，日日進步」，因此我急不及待禁走咗去九巴司機大哥隔黎，幾經唇舌九巴司機大哥終於打開城門，唔洗講~ 門一開我就以快腹部節奏五倍嘅速度衝咗去終點 - 贏咗! 而「九巴服務，日日進步」亦係世界少有嘅一句對版slogan!

楚

You're looking for something you can't find,
If you give it up, you'll lose your mind,
There's always something in your way.
- Click Five

一晚驚醒夢中人，一個正常相遇，幾句交談，一句"no passion"，就好似熱騰騰嘅口腔靠近一條冰凍咗年幾嘅雪條，溶曬~ 真係溶曬~ Title 係一樣，但做野嘅態度就360度唔同，創作就係要d禁嘅野，一句講到尾「係我"創"而唔係齋您"作"」。

空間、構想、風格、態度... 由做野開始都從未擁有過，一廂情願禁覺得係香港做野係禁咖啦~ 有計呀?! 講返轉頭... 真係唔明點解d公司搵人設計野都係齋講個頭，而唔理個尾，到設計師完成個尾後就永遠都覺唔好... 又要根返其他公司嘅design，禁即係"Copy Cat"最唔掂! 我明白大公司大膽，因為佢地輸得起... 但便明白想要有"noise"就要大膽，老鼠都可以咬爆城棟大廈! 驚乜Q?!

幼

適當年齡就應該做返同該年齡相符嘅行徑，禁人地就會覺您正常或者識諗，如果唔係就稱之為「幼稚」~ 但係乜野先至叫「該年齡相符嘅行徑」呢?! 咩~為之準則呢?! 係唔係嬰兒就應該係禁食同訓，學生就要係禁讀同考，打工仔就要係禁搏同咒，老細就要係禁指同歎，退休嘅就再做回食同訓，喂! 等等~等等~ 應該話打從您做到老細之前所做嘅行為如果唔係進取的、勤勉的、努力的同積極的…禁~ 您就係一個「幼稚」嘅人，情人會話您「幼稚」，大您少少而又未做到老細嘅人會話您「幼稚」，細過您但已經係老細嘅人會話您「幼稚」，個d所謂正常或者識諗嘅人會話您「幼稚」，姨媽姑姐會話您「幼稚」，一野「幼稚」就可以將個d夢想、理想、志願一一毀滅，條路好似有曬計劃書同設計圖再加多個曾任權禁 – 無得改。

自己其實都係一個「幼稚」人，情緒方面簡直可稱得上為「超幼稚」，對任何事都容易對抗，唔理對方係咩人總之錯就要認! 昨晚我就同一個十三歲兒童抄咗鑊，事關佢竟然話賽旁蟹呢道菜係全用雞蛋造，根本一d蟹肉都無~ 無論我點解釋，佢嘅反應都係”係呀~係呀~” “係啦~我輸啦~”差D我就開佢施! 青春期唔係大曬~ 好在佢有料~ 有我家姐照!

搵

病向淺中醫 - 但d藥就越食越疲，越疲越就越病，越病就越困，越困就真係昏昏欲睡起黎‧‧‧ 眼前嘅野好似漂蕩着禁，頂! 唔食又唔得，唔得又要食，做人真係煩，但已經叫做地球上最"醒"嘅動物... 吹脹~

個腦根本諗唔到野，但無奈又要係禁郁... 成日諗如果成身機能可以”係禁椅”停返一兩粒鐘，根住再一下只一齊開動，禁就free爆! 係「free」爆，唔係「feel」爆雅~ 其實呢d慨念講出黎得到嘅反應一定係「水靜鵝飛」，之所以打出黎會比較好d，唔洗睇人反應。

我地經常都要作出唔同「反應」去面對日常生活，例如一出門口見到部 lift 仲有一層就到，您嘅「反應」力會頓時衝出，帶領您嘅身軀挑戰成千上萬嘅粒子衝向個粒電梯按鈕，最後成功按到，巴口會不自覺地作出「full」一聲嘅反應，但lift門一開發現人數真係full咗，您立即會有種扼殺嘅「反應」，睇吓~ 單單一個搭lift行經已有三個禁唔同嘅「反應」，試想想我地每日係要做出幾多唔同嘅「反應」去面對唔同嘅事物… 其實成日話倦，實情就係倦係「反應」上~

其實做人可以好輕鬆，對任何事只要保持住唔洗禁大「反應」，部lift上唔到咪等過部囉，架巴士走咗咪等過架囉，男/女朋友走佬咪搵過件囉，考試唔合格咪考多鑊囉，份工要返半日周六嘅咪搵過份囉~

病

請假一天‧

實

「人」成日話咩放唔低、深深處、情未了、未了緣、無可能、有可能但未係時侯、睇定d、真真假假、假假如真... 等等..等等... 妖~ 全部都係單方面思想法，全無事實或先例根據，其實諗到咩咪行動囉，等‧諗‧等‧為咗乜呢?! 做個思想家?! 定係想做個計畫週長嘅report先?!

天下間每件事都需要mix with「實行」! 唔郁係唔會明白當中嘅問題，乜都諗曬度曬仲邊會有飛機大炮嘅出現~ 無論係感情或事業「實行」都係不可決少嘅一環，您唔郁而人地又郁一郁，禁個機會就會留走，雖然未必係走咗去d郁嘅人到，但起碼「郁人」會多好多機會，而您就只有零chance...

無奈... 有d人又鐘意利用人地嘅「實行」，您對佢又好有「實行」feel，但佢嘅態度就保持在有事會搵您，無事就理鬼您，呢d「雞肋」人真係唔知點應付，只好做個yes man~ 有計呀?! 鬼叫您要「實行」~

我就要做一個「實行」人，雖然我曾遇錯節失敗多次，但我仲係對任何事都唔易放棄，只要鐘情我就會唔理一切、妨礙、阻止同控制... 今日嘅多寶六合彩我買硬!!!

暈

頭暈分為好幾種，不息暈、煩躁暈、疲倦暈、渴望暈、興奮暈、迷途暈... etc.

它好像時常聯結住黑暗，當人們面對不安時，習以為常禁都會講聲"嘩~好暈呀"，又唔去好好禁面對，好似講咗會舒服d,其實一d都無幫助... 細個嘅時後成日都聽到d大人話"好頭暈呀，靜少少啦~" 當時我其實一d都唔明，如果靜少少就可以唔頭暈禁醫生用黎做乜... 之後大大下發覺頭暈其實只係一個名詞而唔係形容詞。

呢兩日「暈」係我體內不停盤旋，由其係周六晚，感覺直情係「心」「頭」合一興奮到頂點，但今朝心情就好似瀑布式禁衝咗落黎，好「入」~ 之所以人生真係好鬼起落無常，三亳子一担嘅道理... 今日嘅頭暈係因為當日嘅放縱，所以大人們請唔好將「暈」呢個字經常掛係嘴邊，早知今日又何必當初呢... 做好現況他日就無禁易「暈」啦~

特

今日係一年一度嘅Diwali，公司上下都充滿着笑聲，女士們都穿上顏色鮮艷的服飾，將一個平凡中嘅office轉眼間顯得稀有起黎… 男嘅型咗，女嘅靚咗好多(真心)，成朝就係禁講”Happy Diwali” 同握手，直情破咗我朝早握手記錄!

大佬細一向比我嘅感覺都好「大佬」，間房特別大、張椅特別大、個monitor特別大、間房特別黑、皮膚又特別黑、個頭特別”令”、把聲特別細同特別沉(好似傷風嘅烏鴉禁)，總之佢乜Q都特別，成個環境加上佢嘅look&feel，直情就係一位「大佬」!

睇佢外表cool 爆，我就故到佢內裹其實好祥和，一經細看「大佬」雙手竟發覺其特別親切，我係佢親切嘅手中接獲一封金碧輝煌嘅”利是”真係溫馨萬分，係我呢個最經濟低迷嘅狀況竟然有D禁嘅野~ 我真係要講聲”Happy Diwali”!

夠

知足常樂，任何事都好，永遠係無滿足呢回事(其實等同"OKAY Theory" 一樣)...

讀書時-考試唔合格你會想緊緊合格就夠滿足，剛好pass你會想Credit，Credit>Distinction.... 直至真係得到High Distinction嘅時候，又會諗點解係呢科咖... 如果分少少去第二d低分科目咪好囉~

打工時- 搵工期間總想搵d夢想工作，到真係搵到d近乎嘅又覺得d工資未夠理想，於是又想搵d工資高而又兼備夢想而且又有野學嘅工作，等快d賺取第一桶金，好樣他日實踐自己嘅公司~

擁有自己公司時-又想點樣可以建立誠信，創造公司嘅態度，等族人信賴好樣公司上市成為真正嘅企業~

一切如願成為上市企業- 又開始諗企業對社會嘅影響力，又想開創新的一頁「政治」~ 最後做咗一位真真正正有財有權而又巨備影響力嘅人物，去邊都要有bodyguard加防彈車~ 到期時咪又想過返d平靜嘅生活，花花草草木羊狗，平平淡淡已足夠‧‧‧

簡單d講就好似買六合彩禁，永遠都想中多一個字啦~中多一個字啦~ 其實比你中到三個字，拾返$20咪好囉，好過無... 好似昨日嘅我禁，買死9號、11號、44號一條飛，今朝一對... 佢老板~ 9, 11, 15, 29, 35, 44 + (18)，吹漲! 一路對個$35,000,000就一路漸消… 最後 成張飛都係安慰獎! 中多粒字得唔得呀~ 比我禁多安慰獎把鬼咩~ 知足常樂~平平淡淡!頂!

吹

目前狀態非常暈~ 昨晚同"敝屣"睇咗黃貫中演唱會，幾好睇... 好睇係在於個份堅持，睇佢對住我地呢班牛都堅持開演唱會而我們又堅持地欣賞到最後個一刻就經已直回票價~ 睇完呀Paul就接著去搵"梅花鹿"收工，一經接觸就至今晨6點先分開，吹水嘅魔力真係凡人沒法擋。

吹天吹地吹經歷，講到尾咪又係要積極人生， 但又驚世界未日... 又吹南北極d冰係到溶化中，又吹d乜q野溫室效應未日回歸禁...係要吹到d積極感覺走曬先安樂，差d就連茶都飲埋就接住返工，你話d後生仔幾積極~ ++" 嘻吹哈答~ 咩壓力都吹走曬啦~ 但無奈今日又要做返個積極人種，實踐我們嘅將來!

your future is depend on your drame...




so go to bed.

現況就真係好想眠一眠‧‧‧

觀

自己概觀永遠係arm嘅~ 一般人都係禁(我再內)，好似世上根本無okay呢樣野... 人地做任何事都唔會有okay嘅感覺。
打機唱K唔OK~ 打爆機-勁呀~ 但仲未係top score wo~ "未okay啦~"， 唱歌唱到巴哈禁~ 唔得... 佢都唱唔到rap~ "未okay wo~"， 試問塵世間會唔會有perfect stuff存在呀?! take it easy dude~ 一日復一日，慢慢發覺好多野去到6,7成已經算係okay with perfect! 剩底個d 就係其他人嘅觀點，人家話close加啦~ 禁我咪改到佢地覺得okay為止，但到其時又到我唔覺okay~ 鬼叫人家係莊我係閑，為有聽從... 有計呀?!

搵得人設計野嘅人都有自己嘅概觀，如果無佢根本唔需要設計呢回事，但搵得設計師去設計野又唔信(零空間)個designer... 禁搵黎做咩?! 不如自己做啦~ 無奈自己又做唔黎，得聲音零畫面，要講... 點講都靚同好，做唔做到先得架...dee~ 想同做係totally 兩回事。以前，d人成日話有權有勢嘅人係可以指鹿為馬，但衣加唔洗有權有勢都可以做到~ 只要你想改個design... 基本上紅你都可以話係綠，綠你可以話d色好似屎，而屎你又可以話佢好cute... 頂.. 咩~theory呀... - -"

Perfect係存在嘅~ 唔洗愁，但真係需要一d智慧囉~

寫

寫blog其實都幾無聊，但無聊事都係要係無聊時刻去做先稱得上為"無聊"，而何謂無聊時刻呢?! 最佳嘅答案當然係返工啦~頂! 啟發我用呢個blog嘅人係鄒凱光生生(先生)‧‧‧ 見佢寫得唔錯(香港人就係禁，唔錯其實已等於好好了~)，自己其實都用個幾個blog... 但就係都堅持唔到係禁寫~係禁寫~ 呢個行為!

如果要我記載每日遇到嘅事和物就仲無聊，大多咪又係個d"嘩~條"戌利"好串呀~或嘩~條"戌利"禁禁禁~禁禁禁~禁禁禁~~ dee~ 真係好Q無聊! 但試問現今又有幾多野係有意義呀~ 返工咪有意義囖... 係~有意義係因為有錢呀麻~ 有錢就有意義，無錢?! 意粉都無多條呀頂~

講堅~ 其實錢唔係真係百分百重要，你用咩途徑去得到呢樣野重為之重要... 好似有個兒童拾到一箱錢，你話佢用黎做咩呢?! 買曬d糖同玩具咩唔通~ 所以話就算你有錢，你都要識用先得架~ 用曬去買靚野同貴野... 係人都識啦~ dee~ 我想帶出嘅係做人最重要係要有taste，人唔係為錢而活，而係要用賺錢嘅過程去享受生活呀朋友。

化

無人理我點睇個化字，為有自己探討下。
講多無謂，收工最實際~ 第日再探討~探討~