茫

昨晚放工走咗入鴨利洲，禁大個人第一次踏足「鴨洲」，感覺係兩個字 – 「迷茫」。
先係照個客話係中環搵車搭，之後就企足成程 (總站上車都要企!)… 起初全神貫注禁聽住音樂，直至感覺褲袋內嘅震盪，一睇之下原來係近黎春光滿面嘅「人西」來電~ 無聊狀態下，聽佢吹咗兩水 (內容都係齋聽佢發表呢排嘅「春事」- 真係關我春事~)… 收線時都已係十幾分鍾後嘅事，雖然話唔知架車點行，但都係時候睇下去到邊~ 一望之下，周近鬼禁熟面?! 嘩頂! 仲係銅鑼灣~ 塞車! 一時間煩躁指數爆燈! (時間不段過，又要人地等…)

終於見到有人落車，同時間發覺原來唔知邊個站落~ 死死氣坐到總站… 落車後趕緊轉的士~ 個的士私機好好人，又幾好吹，大家好似一見如故禁，由其大家都有樣野好相似 - 「唔識路」! 目的地係「海彎」，佢就車咗去「海港」，仲指住棟building講「係呢到啦~ 海港! 多謝曬…」，好很定上車時係對佢講「海彎」!

就係禁入咗去一棟有「食蕉」位，但無「食蕉」人嘅夜間工廠大廈… 仲不停禁拍打一間無人應門嘅單位長達數秒~ 最後只好睇多一次個地址，唔洗講即刻走，一出咗棟野又有返dd運仔，「海彎」原來就係對面，自責一番後就接住走過去…

上到去，周邊都係門面”冷”grand嘅studio~ 感覺係 - 「終於到~」， 入到去係兩條同自己年齡相符嘅戍利，對話亦同自己一樣九唔搭八，都係d門面野，總之話知佢，有野order就係~ 吹咗成粒鍾，就係禁完成要做嘅野! 走嘅時候又要折的士，呢次直接叫佢車去d有車出市區嘅站頭，點知條友就不停禁話直接車出去會快d~ 最憎比人控制，問題係一直都無話過要快呢個point!

於是就係禁係一個無車無人嘅車站落咗車，一落車就見到架小巴停咗，眼見個牌寫住乜乜醫院，心諗醫院唔會起係山卡啦掛~ 就係禁上咗車~ 睇見途人多咗，見有人落車就根人落~ 接住就問人點樣可以走出呢個鴨利洲… 當時已經入夜，可能因為禁，無乜精靈嘅路人選擇，幾個答案都好迷，仲比其中一個呀叔微「小」咗一番，佢老母”揪”… 大佢真辛苦!

計埋買包食，都有兩個幾鍾嘅游盪… 最後都搵到車出”境”，出到銅鑼灣就即刻轉車返歸。
上到「埋齋」嘅一程，本想到上層求其搵個位閉目養吓神~ 可能因為本省工作繁忙，眼見一男一女竟倫落到要係車內晚餐，男嘅食小龍包，女嘅仲羅膽~ 食燒肉叉燒飯! 搞到成個上層都肉味衝天，失常! 本來打算走去挑難佢/姖，但又唔排除其他人可能亦未食飯，而又享受緊呢陣肉味，因此為有認輸地走落下層暈~

-完-

要理性d係到停，唔可以再打落去，本來想早d訓~ 但到目前為止連涼都未沖，仲用咗禁多時間去打偏禁嘅野~ 頂~

升

寒冷天氣終於降臨~ 係面對全球氣溫逐漸上升之際，冬季亦黎得比昔日遲。眼看着超級市場內嘅「防爆」系列逐漸消逝，心裡就不奇然地回想着昔日貨如山坳嘅貨架，依咖竟變成葉微枝節嘅秋天樹幹，「係咪禁好買呀?頂!」...

早兩日係益智節目上睇見一段訪問，內容大致如下:
--------------------
問: 您覺得家中邊樣電器最為決一不可?
答: 唔...係面臨全球氣溫不斷禁上升，我覺得冷氣機就最重要~ 我最怕熱咖啦~嘻嘻~
--------------------
問題無聊，答者無知~ 禁都可算係一個益智嘅節目，真可悲~

唔好話冷氣機~ 講緊「防爆」系列都會導致全球氣溫上升，wake up!
講時講，天氣凍就自然多人用「防爆」系列，而係林林總總嘅「防爆」系列中，相信潤唇膏都算係首當其衝嘅熱選，佢嘅用途就唔洗多講~ 但每次將佢緊緊禁磨擦雙唇同時，個種變態嘅感覺亦會浮現，特別係睇住其他男人擦時就便為嘔心~真變態(自己)!

電

相信每個人都會有「過電」嘅經歷，男女之間便為常見。個種一觸即發嘅電流住住比一生一世嘅愛便為之入肉，佳因「過電」就係戀愛嘅第一步，無咗佢(電)… 唔好話咩天長地久嘅愛情，就算係曾經擁有嘅可能性都近乎於零~ (eg. One nite stand)

但呢d禁嘅電流到底係單向還是雙向?!感受到嘅同時，實質上對方好可能只係輕輕嘅一舉手‧一投觸都經已足夠電瓜你… 面對面嘅情況下，人們住住用視線黎作一道穚樑，首先係打量對方嘅五觀，繼而就係肌膚、髮型、身材… 一句講曬-「外表」~ 大多數人都係禁膚淺(自己在內)… 而係交談嘅同時，亦經常會出現聽者凝視說者，於此同時說者亦會趕緊禁避開聽者嘅視線… 呢種情況到底係「過電」定係「斷電」?! 直接d得唔得…

「過電」唔只係單單發生係生物身上，曾幾何時香港人亦會係死物身上感覺到佢嘅存在，例如80's年代嘅香港，正當魚翅撈飯之期，每個人都對有興趣嘅死物產生「過電」嘅感覺，於是係購物慾推敲之下，住住會做出失控嘅行為，見乜買乜嘅情形亦不見為奇… 呢個現象係近期好似又開始復興，投資風氣旺盛，連同購物慾亦蠢蠢欲動，但其實當中有好多香港人都只係用緊「先洗未來錢」嘅策略，亦係現今年輕社群嘅通用碼-「信用卡」文化! 如果話呢樣野真係可以令你/妳「蠢」「蠢」肉動~ 相信應該無咩人會反對~

絕

罐頭、蛋、黃瓜同番茄…

以上食物就係晚餐桌上嘅主角，任得你點配~ 呢幾件禁嘅小角式都好似無乜可能擺得出去大雅之堂… 但世事嘅野就係禁~ 每每小角巧遇另一位平凡小角，再加埋一位知心大導演，巨作嘅誕生就唔再係一件難事。

今晚平凡嘅小角有 - 麵，而大導演就係遠近馳名兼大名頂頂嘅「我呀媽」!
姖將呢幾個淡如水‧清如空氣嘅小角，發揮得淋漓盡致，最後得出一度質樸味頂嘅絕菜~

講咗禁耐，今晚嘅巨作就係 - 「炸醬麵」也! 依咖連呼吸都比個肚頂住頂住，可以講嘅就只有「沒法解釋怎可報盡親恩」~ thank you so much!

塵

人‧有無可能真係可以看透紅塵?! 係信道家嘅人~定益話係教宗?! 塵世間禁多事故，佢地係唔係全明白? 定益話每當佢地面對唔明問題時，都會有一條”model answer”~ 相信會係後者多d… 講到禁，除咗一個字可以形容，我諗亦別無他選啦~「廢話」也…(係兩個字，唔好意思!)

就係禁樣就打咗幾行「廢話」，真有意思~ 時間就係禁樣浪費咗，呢個亦係某些人睇書嘅行為 – 睇頭睇尾當搞掂… 自己亦時不時有呢d情況出現，其實唔係唔想睇中間，問題係有d死人書真係會寫到個頭鬼禁精彩兼個尾又埋得鬼禁完美~ 之但係中間就寫到成經文禁，睇到打曬叉~句句都接到… 十足十睇返自己打嘅野，亂Q曬! 另一個可能性就係自己領悟能力低，無計…

其實真係無乜計，平日生活禁繁忙(好似)，買書時睇到個頭同尾都經已唔錯，唔通真係企係樹睇曬成本書先買咩~ 講時講，睇得曬仲洗鬼買呀~ 面對呢個問題，其實仲有一個非常好嘅辦法~ 就係睇埋中間囉~ 相信以後嘅我睇到呢到，都會係禁意冷笑一吓，呢吓冷笑係送比呢一段廢到極點嘅「廢」文章… 好啦~ 我相信將來嘅我睇到呢偏禁長嘅野，應該係會一如以往，skip 咗中間，而一跳就跳咗去最後一段，因此，下一段我會寫返好個尾，好等自己吸引返自己睇埋中間呢段「廢」野! (對比起打日常生活，發覺打廢話可以打得多兼便為舒暢~ 可悲!)

就係禁，打咗可算是有史以黎最有深度嘅一偏野，希望將來自己睇返都會明啦…紅塵世故係乜野，我諗依咖嘅您會便清楚…

定

星期六晚，正當同朋友「操疆」之際，突然睇到公仔箱裏出現難能可遇嘅畫面 – 有位藝女係做低難度動作時~甩褲…

睇住兩位名主持手忙腳亂禁，都唔知點作反應好~ 真有d過癮! Live show 最好睇莫過於此。

世事就係禁…姖同我都一樣，係一個唔應該嘅環境遇到唔應該嘅畫面。當其時我同朋友其實無咩可能係睇「冇線」而應該係睇「有線」，因為個個都對足球充滿着一份熱誠(應該話對馬會熱誠多d~)，但係偏偏就睇咗「冇線」(可能因為每個人嘅注意力都放咗係副「刀」上，電視播乜根本無人會理)~

呢d係唔係就叫做「整定」?! 整定姖會係禁多人注視時出樣相!? 整定姖平時禁性感而當日服裝部又要設計表演者著長褲?! 整定d新一代女皇平時禁鍾意唔打底兼強烈地露股「線」而當晚姖又著條禁「T」嘅T-back?!

講到尾，成晚令我感覺最「整定」嘅係… 利物蒲夠膽死係加時93分鐘入咗球九唔答八嘅罰球，搞到最後比數4:0完場! 我嘅3:0波膽亦因此落空…

興

剛想寫野之際，發現呢個自閉平台都竟然有人留言，當堂打咗個「特」! 疑惑感亦除即湧現， 一睇之下~ 嘩! 鄒生(唔係「周生生」)竟然係我個呢樹留咗個言~ 真係當堂打多兩個「特」! 係呢到留言嘅人已經係近乎於零~ 依咖睇到佢嘅留言，直情可以話係一言頂百言，當堂「震」奮起黎，係手都震埋~

好難得可以比一個自己欣賞嘅人欣賞返自己一次，即使係「一次」到禁簡單嘅一次，都經已足夠我記一生~ (睇落好似好誇張禁，其實一d都唔會… 因為夠簡單~ 簡單嘅野係唔會忘記的!)

呢一刻真係想走去佢嘅電台節目其中一part留個言(《Happy Hour》)，但都係唔好~ 因為禁做就只會令呢個「言」繁複咗… 等同呀鄒生亦都好難會係呢樹再次留言~ 無論如何，您段野就係本人今日嘅《Happy Hour》，多謝曬~ 鄒生!

p.s. 只有香港人至明白「嫖賭飲吹」年輕化，仲要係打得一手「口語」文嘅年輕人!

潮

底潮，高潮，d人耐唔耐就會講吓呢兩個詞… 我對個中嘅真諦都仲係一舊雲嘅狀態。

咩係底潮?! 係唔係話窮到無飯開就叫底潮呢?! 窮到無飯開即係意味住無工開too，禁都最起碼會有一兩位朋友可以扶持吓掛~ 但如果真係連朋友都無，禁可以點呢?! 係唔係禁就可以話係真真正正嘅底潮呀?! 禁就可以理直氣壯禁埋怨個社會呢?! 頂~ 禁不如埋怨吓自己好過~ 有咩可能可以活到如此地步…

禁高潮又係咩呢?! 又係唔係乜野都順風順水就叫高潮呢?! 相比起前者，我會比較清楚高潮嘅定義多d…四個字搞掂「得心應手」，因為從來未試過，「諗」是永遠漂亮的…

講黎講去呢兩個詞都離唔開個金錢同愛情，無呢兩樣野係唔係就等同於死?! 禁我地嘅早先「原始人」又點解可以活着，仲可以進化埋tim~ 真係有d不可思意… 總而言之又係四個字就可以搞掂d所謂底潮者~ 我膽敢講「坐以待斃」可以令到您更加底… 正所謂底處未算底，唔信可以試試!