友

琴晚臨收工之時，接到一個電話(低音男)，開場白如下:
(低音男):「係邊?」
(回): 「公司」
(低音男):「你知唔知我係邊個?」
(回): 「唔知~」
(低音男):「古下~」
(回): 「呀new?」(好不耐煩，你老板~ 中學生咩~)
(低音男):「唔係~再古~」
(回): 「呀杰?」(xyz@#$%)
(低音男):「唔係~」
(回): 「呀當、夏娃、Sam、Peter、Tom、Mary、Susan…」(講晒小學英文書內嘅角色)
(低音男): 「哈…哈… 二叔吖~」

一聽到佢十下十下嘅笑聲就認出「低音男」嘅真身，反而「二叔」呢個名就真係有d莫名其妙…
就係您「王國雄」(哈哈~ 好安心響您全朵，因為您唔係知名之士…哈哈~)
講番轉頭佢真係一位好好…好好嘅中學同學/朋友，佢份人外表醒目，實質內裏單純(思想)，因為佢嘅單純，所以三兩個月就會出現一d意想不到嘅事情發生係佢身上。

當年留學之時… 佢亦係唯一寫信比我嘅一位朋友(唔止一次)，當期時都好感動… 但最於都唔記得有無回個佢嘅信…
返黎之後相聚過幾次，直至呢兩年完全失去聯絡，其中理由包括丟失咗對方聯絡電話、生活繁忙、環境變遷、生活態度分歧… 再數落去，成千上萬個理由都有… 其實係一個字 -「懶」，懶得去聯誼~ anyway, 真係好高興拎番佢嘅cell phone no.，短期內一定相約聚一聚! My friend~ =)

卡

一題到「卡」呢個字，相信再無後生仔會聯想起「聖誕卡」、「生日卡」、「問候卡」、「感謝卡」或even「萬變卡」…

依加聽到「卡」呢個字就只會浮現出 ”Credit Card” 呢個萬惡吸血大老千~ 今時今日十個後生仔起碼有七八個中咗計，無可厚非先洗未來錢係一樣好爽嘅行經。大學生「咩」住成身卡數咁投身社會，早係九十年代美國呢個大國己見怪不怪~ 依加本省咁嘅狀況，都經已「算係咁~」。

講到”Credit Card”~ 不得不提個d銀行廣告… 呢邊廂sale「5倍簽賬現金回贈/獎賞積分，xx信用卡買嘢更著數~」，接著個邊廣告係「賬單咁多，點算? xx私人貨款，易借到手，一call辦妥!」，同一間銀行，出係佢… 入又係佢… 講到買野好似真係唔洗錢咁~ 以前為供樓供車而活都夠悲哀~ 依加仲敝… 為張瀾鬼「卡」~

屎

一啖沙糖一啖X，呢個行為簡直係高級溝通技能中不可一決嘅技倆，如果實行者係大粒佬(仲之唔可以得失嘅人啦~)再加上佢可以熟練其精確度而又收放自如地向對各下洗出，一時之間… 應該無咩人可以作出原先想做嘅反應~ 除非直接地d糖就照單全收吞晒，而d“X”呢就……… 吐番晒落條友到! 哈哈… Yeah!



幻想始中係幻想~ 醒吓啦~

育

越嚟越明白點解生育率持續下降，亦開始諒解某部分人直情不打算再生兒育女嘅因由。係決定生育嘅層面之上 (即係上一層)，人們往往忽略咗一樣「人性陰暗面」- “Selfish”。

「自私」係人嘅天性，「人不為己‧天誅地滅」呢句話講得一d都無錯… 女性生育理由離不開係為咗老公、BB得意、老咗有個伴、多D世藝、BB對經營一段婚姻好重要、等等…等等… 男性生育理由離不開「留種」、所謂嘅「責任感」、「非屎」、等等…等等… 相信唔會有人諗過生存係一個咁嘅世界簡直可以話係苦不堪言~ 如果諗過「度」過都生嘅話，咁就更稱得上Selfish之極不過~

要生就更係生個孝順種，老咗有「種」看護，唔洗過著有錢無訂洗嘅乏味生活，但係又有無諗到孩子們嘅想法呢?! 孝順是必然的嗎?! 如果生咗隻「葉」種，老咗重要比佢「恰」，簡直貼錢買難受! 您能忍受後者嘅禽獸行為嗎?!

相信大多數人(全部)都會求神拜佛生個孝順種，咁何謂「孝順」呢?! 簡單嚟講即係隨傳隨到，自己(父母)大晒，唔洗講仔女們自然「識做」，仲之就係控制在自己(父母)手中，咁… … ….唔係“Selfish”係乜?! 當然好多人會話「供書教學您古唔洗付出咖?!」，咁~ 前一句應該係-「出世與否，全由您(父母)簡，子女無得簡~」!

終極結論: 生育係生態上必然嘅一環，可以嘅話就唔好係「自私」嘅情況下實踐~