憾

過咗去嘅野便由它去吧~ 就算只係啱啱過咗一秒都係稱之為「錯過」，遺憾有時都可以感覺美好，太完美反而會覺得少咁啲野…

人生路上緊有好多時間係會錯過一些事物，不論事情大與小;重要與否;錯過了便是錯過了，個心都會好以比野鋤咗吓咁…

當然，大可以用後期嘅力量去離譜之前的過失，雖然好似有啲徒勞無功，但起碼感覺上「對得住自己」，因此係當前嘅呢一刻我決定去做一項多此一舉嘅行為…

(16 October 2006)「Happy Birthday to My Blog」! 不經意地可以出奇咁打理咗呢到一年，好多謝呢年內圍繞著身邊嘅一切事和物，使我更了解文字嘅「魔力」和「吹水」嘅定義。

噬

琴晚突然痴咗條筋反轉間房黎搵一條「線」~

打從幾個月前已斷斷續續咁搵緊條線，但多以搵幾秒嘅態度去面對，一直都無堅持「搵到底」…

其實間房又何止吞噬咗一條「線」咁比面吖~ 雖然話大多都係啲唔等洗嘅野，但真係好唔憤氣比佢(房)咁食法，唯一方法就係同佢(房)拼過，最終用咗粒幾鍾，結果都係敗北而回… 變相幫間房打掃咗一番，吹脹~

安慰嘅係「線」就搵唔到，但比我搵番一支筆同一塊pick… 二換一抵過乜!

息

做人做到無咩動力咁，好鬼死想放假，但無奈係啱啱先過咗三日假期… 到底係唔夠喉?! 定還是根本係三日假期內無休息過~ 似係後者多啲…

但再諗深一陣，可謂「休息」?! 訓係床上郁都唔郁發白日夢?! 攤係地板上聽電腦內重複播放每日都係ipod內播放嘅音樂?! 撻係沙發上睇電視?! 坐定定拎住本書係咁睇?! 不斷玩個幾首熟到咪埋眼都撣到嘅歌曲?! 打個隻玩咗年幾嘅winning eleven?! 拎支筆出黎亂畫一通?! 睇報紙!?　打掃屋企!?　……………………

對我黎講，「休息」係屬於個人的…　每日面對咁多面孔，真係唔想係休息時再出現一副面具係身旁～　再講…　更唔想有一個除下面具嘅人係身旁，因為一個無帶面具嘅人會更難頂…　

「放假」期間可以做嘅休息行為，應該全部都進行於「屋企」…　因為所有係屋企以外嘅節目我都會分類為「活動」！要活動就不能休息，這是在我腦海中的一項「定律」。。。。。

因此有幸和我假日相聚的朋友們！睇我幾偉大咁放棄一切而同大家狂歡，珍惜我吧～　　

領

一向都好鐘意睇/聽”cover”野，但一定要係演繹方式都轉埋。

最好嘅例子有幾年前MTV為敬重Metallica而搞的”Metallica Icon”，當中有好多大band支持，每隊band都有一段玩Metallica歌曲嘅演出，而其精彩之處係每隊band都用Metallica 啲歌黎玩番自己嘅風格，沌啲都要講番句「正爆」!

係幾日前收到一段youtube影片，睇到一段精彩嘅cover演繹，本來主角係去演繹一首著名歌曲”twinkle twinkle little star”，但最后佢用自己語言將原曲唱成”ABCDEFG”，啱啱兩歲就領略到兩者的相同melody~ Rock on! Marco!!!

添

AC Family又增添了一位新成員，他的名字叫Jaylan，是Marco的弟弟。











Let's Celebration!!!

惜

渴求某樣事物時的感覺永遠比所謂真正支配到其事物時的感覺來得耀眼而刺目，因為其實「擁有便是沒有」。

愛情路上共諧連理是否就等同擁有了對方? 往往要感覺真正得到了對方陰險(dark side)的一面才像擁有了對方，黑色幽默~ 但可能這便是一段愛情的端部，到底是「前端」或是「極端」? 不論結果如何… 再走下去以往的「激情」也只會變成現在的「感激」; 以往的「愛情」也已變成了現在的「感情」。

一段精緻可泣的愛情只會在童話內出現，因為現實中的可泣部分大多都是在吵架時才會出現~ 一段擁有兩三年感情的情侶，如對方要出國辦一陣子事，試想想有多少人會真正為其「愛」侶的站別而哭泣? 是「泣」也只有喜極而泣…

有機會對世上某些事物能保持著某一種狀態感覺，要比起真正擁有它更為複雜而困難，因此我們更應該去珍惜這可遇不可求的「它」。

態

人越大對身邊事物的態度好像亦有所改變，對態度的態度也一樣。生活態度的分野是好是懷不在於其本人的想法，如果您要得到認同的話，旁人的批判才為重要。

說到態度… 明星是表達態度的先鋒，60's , 70's 年代的明星/巨星就最為有個人態度之不過，現今只有明星/巨星公司的態度，而其本身也只不過是一位演繹者，演繹得好您便是萬人迷。

以往明星都有一古神秘感，「粉絲」們極其量也只能從電視或報紙上得知明星們的生活態度，傳媒的訪問形式也沒現在般商業化，明星們的對答也來得直接，這也是我們想要的真正「態度」。

不清楚以下這幾段訪問是否在當時的電視內合法播出，但有這樣的年代，就有這樣的社會; 有這樣的社會，就有這樣的Reporter; 有這樣的Reporter，也就出現了一位Andy Warhol… 到底是他的EQ高還是應該說他的態度高?!

毛

Relationship呢樣野實在太奇妙了~ 賓主、朋友、愛侶… 感覺良好時無論做咩大小事項都可以係形影不離，因為不知不覺間一段好嘅Relationship已演變成一段更好嘅Reliance… sigh~
更有好多時候，關係到咗「某個位」後就會離~ 有時係單方面，有時係雙方面，就好似「中坑」嘅頭髮和頭頂咁… 一要分開就連後悔嘅機會都唔會有~ 有人會想盡辦法耗盡一切去挽救跌咗嘅幾條毛，施肥種植盼望一天牠能重生; 有人會揮刀一葛把剩餘嘅幾根毛也去除，開始光頭的一生; 有人覺得不值一題，一句「施單都好型吖!」。

其實頭髮要留要走係好自然嘅定律，無需刻意強求~ 有料之人係唔會在意果幾根頭毛，毛走頭還在，頭走毛不在… 條毛選擇咗離開係佢嘅遺憾，人們又可足為根毛去煩惱，想梳頭咪梳剩餘嘅毛髮囉~

冷

一路以黎都話「冷面殺手」攻擊力唔講得少，呢種人唔洗講野，便加唔需要有面部表情，即係好似帶著面具般，神秘感永遠都係吸引異性嘅最大武器。

星期六晚去咗每年都話係最後一年搞大型派對嘅「九展」… 差唔多成點鐘先入到會場，輕量酒精足以warm up，與此同時台上燈光打得更為刺熱，就係打第一set 嘅DJ離開之際… 「冷面殺手」出現了，佢走咗去DJ DESK 前面，佢個樣其實非常極之baby face，但佢以一幅冷面表情加一幅小提琴示人，唔洗講… 現場「屍橫片野」男女通殺~

之前睇過小提琴mix with Rock band，呢次係第一次現場睇小提琴mix with Techno~ 欣賞「冷面殺手」以半彈半拉嘅演奏方法，「咚咚咚」嘅小提琴聲加埋場內嘅燈光mixing效果簡直一流!

主角(Armin van Buuren)例牌都係兩三點先出現，而我嘅能量指數亦係兩三點耗盡，感受咗片刻就蹄腿回巢進入昏迷狀態。

「冷面殺手」就係06:25出現~

video by ioripresent