受

買醉、去賭場輸錢、跑馬拉松搞到入廠、吸毒、請情人食飯但無下文、供樓、睇八級小電影、學”Jackass”行經、睇三世書、玩神打、結婚又離婚、買六合彩、養咗隻五奕仔…等等…等等… 以上嘅舉動都可以括一統稱為「貼錢買難受」。

以常理黎講，比咗錢(付出)，理應得到嘅係快樂或滿足感，但奈何萬事又豈能盡如人意吖~成日聽人講話付出唔一定要回報… 禁到底付出黎為乜?! 其實付出就點都會有些回報嘅~ 問題係個回報係咪您想要嘅回報，如果同所想嘅成陽性反應~ 禁就統稱為「貼錢買難受」~

有時付出嘅過程又會不其然禁超出咗原先嘅諗法，好似買啞鈴禁，為嘅係強身健體，過程係 - 走去健身商店選啞鈴，比錢，啞鈴得手，返歸~ 舉呀舉~舉呀舉~ 一段時間後，得到一副健康又健美嘅身軀~

但經過琴晚親身體驗，真實過程係 -走去健身商店選啞鈴，比錢，根住條友話驗吓貨先，唔好到時有問題又拎返黎換~ 第一反應係… 「個幾舊鐡驗乜Q吖~」，當然，無講出黎~ 接住描咗兩眼對啞鈴，根住就答佢「OKAY啦～」，點知佢又問重量點？！　好似硬要舉兩野先很收貨…　最後為有舉兩吓，再笑住講「近乎完美～」，就係禁，佢收拾一切，成副啞鈴禁“隊”埋黎，一提之下，發覺“幾舊鐡”加“幾舊鐡”原來係非一般禁重…　用盡各種手法去拎，再加上之前個幾吓驗貨行為，經已傷咗少少元氣，感覺係「好Ｑ重，做乜貼錢買難受」～