黑

今日需要用腦之際突然腦部停頓，咇極都咇唔出野，極其只能咇出一句句子「舉頭定目有神靈(力)」~ 點知一望之下窗外真係漆黑一遍，嚇Q死~ 記憶中對上個次遇到「白日黑天」係小學五年級，當期時係星期六，長週返早，地點係學校操場，時間係上午，感覺係… (一路打d情景與感覺出晒黎，好斜~)… 感覺係…感覺係…感覺係… 無咩感覺…

實情感覺好過癮，以為可以早退，最後當然照常上課，照常睇課外書，中午放學照常玩棋藝，照常覺得好多餘，照常埋怨點解星期六要返學同時而又做咁多無聊野…

今日睇到個天咁黑連帶腦海中沉積多年嘅「埋怨」再次浮現…「點解星期六要返工而同時又做咁多無聊野!」。

曲

近日狠狠地被潮濕嘅天氣遮蓋住，想做好多野，但個心比當前嘅天氣更「淋」，乜都唔想做~ 例如 - 想打下野但又打唔出野(打blog… 唔好諗斜野~)，係感到做乜都唔「令」之際，竟然聽到一首好有feel嘅音樂，歌名叫”I started a blog with nobody read”，其歌詞真係寫得好「生鬼」，聽/睇完感覺異常青春(其實本身都好後生~)…

呢首歌過癮係因為節奏與韻律簡單，歌詞比到人共鳴… 一路聽一路諗，本省其實有無空間比一d咁類型嘅歌曲立足呢?!

答案係「無」~ 睇吓我地本土嘅中文歌，就算去到無產量(歌曲)嘅階段，都情願舊曲番唱，當然，好多人聽返會有些舊情懷浮現，但其實呢d「舊情懷」係可以直接聽返首原曲，咁咪仲有feel~ 仲有一個好‧好‧好唔明，點解無時無刻都要聽「情」歌?! 成日都話d歌詞好「中」，十令歲話「中」，廿令歲話「中」，三四章野又話「中」~ 又唔見有人話「義勇軍進行曲」中?! 其歌詞夠好有舊情懷實況… moron~

自己黎講六合彩首主題曲就最「中」，同d「口水」歌一樣，每次聽到都好有feel，音樂結束後都會感到一鼓離奇失落感~ =(

品

名牌與品味表面上好似好有關連，但實質上卻完全兩回事，更為刺眼嘅係好多人只懂將所有名牌「撻」係身，在加以高姿態地顯現，簡直就係不知所謂，在旁人眼中，這些人也只不過係一隻流動「名牌廣告牌」~

品味係觀於內在，放眼係各式各樣嘅事物，用心去品嚐/分析，而唔係單靠潮流刊物。然而，潮流刊物最主要嘅用途係用作名牌宣傳，而唔係用作提升個人品味，因此亦唔需要等潮流刊物黎主宰品味或潮流，更唔應該有種名牌實屬佳品嘅觀念~ 當然，名牌係有某程度上嘅吸引力，例如質量…

但眼見好多所謂名牌根本無乜質量可言，但卻係本省好受歡迎~ 最可笑嘅係這些名牌係其本土銷量卻屬一般，有如「蘇打氣水」(又無水咁淡)，當然，換個角度睇，可以講本省人民其實好有taste，係人地唔識貸。

聞

已對呢幾日黎嘅報刊頭條感到非常極之煩厭，遺產去留關人叉事~ 又唔係有得分，得知過後亦唔會因此穫得快感，真係唔明點解值得有咁熱騰騰嘅反應~

最感到怪異嘅係連打開電視/收音機，新聞內容都不段咁報導遺產去向，仲要以一本正經嘅模樣/態度去報導，再講多次~ 遺產去留關人叉事~ 咁就係「港聞」?! 不如睇吓娛樂新聞好過，起碼有靚仔靚女過吓目… 再咁落去買報紙黎把鬼，不如買本八掛雜誌睇下好過，再講多次~ 起碼有靚仔靚女過吓目…

就以呢編野黎講，出現咗幾次「再講多次~」，您唔悶打嘅都覺得悶，其實呢兩日仲有好多其他有趣事可以寫，但又偏偏唔寫，原因在於唔想用腦過度! 等同於呢幾日黎嘅港聞頭條一樣，咁多野好報導，點解要放咁大遍覆係一段咁冇意義嘅報導上… 再講多次~ 遺產去留關人叉事，又唔係有得分。

爽

一個人如果比人一種「淋囉」嘅感覺，即係每當應承過後都會再三搵理由去推擋… 拖延… 有些重會反客為主好似錯不在於「承諾」，感到煩躁，再加以一句「得啦~」，甚至有時直情會出爾反爾地背付承諾… 完全與安全感脫節。

然而，「淋囉」人都會忽略點解問者會咁煩?! 答案係 - 「因為您淋囉!」… 講到咁~ 相信無乜人會享受同呢類人交往，甚至覺得呢種人極其只屬「希有動物」，無機會相遇。

但係憎恨呢種人嘅同時，到底有無諗過自己也曾填劃於「淋囉」嘅界線內?! 即係比人一種「淋囉」感~ 而好多時「淋囉」同「輕視」都係相輔相成的，簡單黎講… 點解會咁「淋囉」?! 因為無價值、零重要、可有可無或不值一題…

「淋囉」嘅頭號敵人係「爽」(crispy)，一就一，二就二，係就係，否就否，不要說撇除所有猜疑，如果可以就此將猜疑先放埋一邊，享受那短時間嘅爆發力，正所謂「今天是實在的，明天是虛幻的」，把握每一分每一秒，總好過花費過多時間係「顧慮‧猜疑」嘅層面上，相比之下，後者嘅生活態度會更覺精彩，而且更為容易接觸到高潮和動力嘅一面~

失

呢排發現身邊好多朋友甩拖，變回單身貴族~ 佢地全都係生與80's初，即係正當廿令歲，大部分都擁有3-6年嘅戀愛資歷 (同一個對象)。

亦因為每位都有一段似長非長嘅經營歷史，所以表現得格外悲傷… 可以做嘅就只有淡忘呢段人生中嘅一粒暗瘡，當然佢有機會留有「瘡」印，不過就算有… 也只不過係成千上萬嘅毛孔中沾咗幾個位… 唔用放大鏡去照，無人察覺，自自然然就會係心內留走，就算有日再係鏡中重遇，也只會輕描一下，繼而繼續化妝gel頭~

話雖如此，其實呢個年齡群甩拖係好正常，倒退返3-6年前大家都係十令歲，好多重係校園生活中結盟，拍吓拖吓就幾年~ 依加又正直腦蔗成長期，接觸、思想與渴求層面洶湧而出，相比之下，駒駒嘅一段校園情又算係乜~?!

其實好似工作咁，您唔辭職，份新工又點會黎，您亦唔知原來份新工比到咁多前所未見嘅智識或薪金。當然，新工作係需要適應期，一段時間後都上唔到手或感覺唔舒服~ 咁咪再辭職囉，您話咁係浪費時間?! 見仁見智也，大前提係期間有無得著，有嘅話又何有「浪費」之言。

旅

剛剛度過五日唔長唔短嘅假期，亦離開咗呢個忽冷忽暗嘅香港五日… 去咗”BALI”! 個到陽光與海灘就不在話下，最重要係享受咗一個真正嘅「假期」。 BALI 絕對係一處好「旅點」，最重要係香港人少，亦或許今次去嘅地方實在太local，新鮮之極! 講多無謂，晒相最實際~

每朝8點幾起身，根住就會上居頂與大自然溶合，一望無際嘅環境，加上暖烘烘嘅太陽，閱讀就最好不過，但每每睇唔夠幾頁，最後都係會係居頂「洽」多陣…

真正嘅(人)潮拜， 七日七夜成個Bali嘅人都會一揪二”lung”咁去”Besakes”(廟) 拜神求福，而大部份女性都會以頭代手，頂! 場面極之壯觀，我也陳嚐試，但就真係「頂」唔順~

有日走咗去品嚐當地特色「大排擋」，而係「大排擋」內最出名嘅就係「燒猪飯」，一睇之下果然特色過人，又其是與香港相比，係想像唔到嘅衛生情況~ 荼機咁大嘅原隻燒猪就咁攤係張桌上，幾盤「黑>灰」色嘅猪腸亦開楊式咁擺放出黎，昆蟲橫飛~ 總知睇到就足以令您有飽滿感~

彩色雞仔，前所未見~ 最後得知原來係染出黎嘅，把鬼!

最後當然唔少得wallpaper式嘅地平線沙灘照~ 實情好Q曬同熱，兩隻眼無可能同時張開… (正午十二點幾)

總括黎講，娛人娛已，BALI 之旅，爽! 一定會再去 & 再去~

驚

早兩日，係「倪匡」短文內睇到佢對「恐懼」嘅一些睇法，內容大概係話 -「幻想恐懼比實質恐懼要驚嚇得多」，即係當您諗將要面對某些恐懼來臨嘅過程係會特別驚嚇，而每當您一去實質地面對佢時，其賁亦不過於此~

為咗體驗佢老人家嘅講法同埋慶祝明日嘅長假期來臨，今朝早餐有 – 腸粉、燒賣、粉果、珍珠雞 + 奶茶。經過一小時嘅對抗，佢地終於被胃部消滅，當中最難對付嘅莫過於「珍珠雞」…

實情本身好唔應同用「珍珠雞」當作早餐之選，因為感覺上油脂感太重同好頂胃~ 但亦因為「感覺上」同埋體驗「幻想恐懼比實質恐懼要驚嚇得多」嘅原因，今朝偏偏要用行動正明一切，試吓到底係真油定假油‧到底係真頂定假頂… 結果係「頂~ 真係好Q油!」。