聞

已對呢幾日黎嘅報刊頭條感到非常極之煩厭，遺產去留關人叉事~ 又唔係有得分，得知過後亦唔會因此穫得快感，真係唔明點解值得有咁熱騰騰嘅反應~

最感到怪異嘅係連打開電視/收音機，新聞內容都不段咁報導遺產去向，仲要以一本正經嘅模樣/態度去報導，再講多次~ 遺產去留關人叉事~ 咁就係「港聞」?! 不如睇吓娛樂新聞好過，起碼有靚仔靚女過吓目… 再咁落去買報紙黎把鬼，不如買本八掛雜誌睇下好過，再講多次~ 起碼有靚仔靚女過吓目…

就以呢編野黎講，出現咗幾次「再講多次~」，您唔悶打嘅都覺得悶，其實呢兩日仲有好多其他有趣事可以寫，但又偏偏唔寫，原因在於唔想用腦過度! 等同於呢幾日黎嘅港聞頭條一樣，咁多野好報導，點解要放咁大遍覆係一段咁冇意義嘅報導上… 再講多次~ 遺產去留關人叉事，又唔係有得分。