屁

轉眼間又到三十號，呢個十一月過得好迷，首先係推工 > 根住係搵工 > 然後又返工… 好似好繁忙禁，但回顧吓，又唔係~ 返咗幾日工，眼界又開咗好多，見嘅人亦多咗好多，例如: 靚女。

越返就越發覺香港呢個地方其實真係唔錯，靚女亦可真不少，但內在美就唔知啦~ 頂!
嘿~ 都係唔好講埋曬呢d無謂嘅topic… 因為各人審美眼光有別!

呢幾日返歸感覺特別疲，又好似無乜時間禁，搞到想寫吓個blog都無mood… 個種放棄感又再湧現，好多字都開始更加唔識打，但另一方面黎講，寫blog都係因為無聊先寫”姐”，可能呢個現象係因為依加嘅我己不再無聊了~ 頂(想嘔)~ 又有d兩頭唔到岸嘅感覺… 所以都係唔好keep住日日寫，無謂為咗為做而做~

話返回頭，其實有d野唔「到」就唔好強行去搞，好似”呵屎”禁，你越係食d纖維素強嘅食物落肚，個肚就越漲，但又係都必唔出野，齋放「氣」，自己辛苦時，旁人又唔好受，亦好似有d人禁，不斷禁睇d吹水網頁，”suck” 好多門面野落個腦到，一到三五知己聚埋時，呢d某利就會放「氣」，兩件事分別唔大，唔同之處係，前者d「氣」係由屁眼出，而後者係由口腔發出，呢d某利又稱之為「呃秤炒蜆」，得個「殼」!

音

自己一個人嘅時候，好鍾意聽音樂，好鍾意個種可以控制嘅聲音，覆蓋則根所有嘅雜聲…

好唔享受雜聲嘅感覺，所以聽乜野其實無所謂，音樂種類無所謂，歌手種類無所謂，樂隊種類無所謂，性別種類無所謂，樂器種類無所謂，年代種類無所謂，表達種類無所謂，語言種類就偏偏有所謂~

一聽廣東話(香港)嘅歌就聽唔入格，有某d其實都好聽，但每當一聽到d覺得好聽嘅廣東話歌，經常都會「重複又重複禁不停不停禁聽」… 係一次過禁「重複又重複禁不停不停禁聽」… 唔很定係咩野理由，但好可能係商業魔法嘅問題~ 相反聽其他語言嘅歌就會好珍惜，珍惜之餘每次亦會「重複又重複禁不停不停禁聽」… 但係成隻唱片禁重複聽，禁就可以keep 住d感覺~

過去呢過拎鍾，我重複又重複禁不停不停禁聽「離家出走」，衣加感覺直情可以爬咗成首guitar譜出黎，亦有少少嘔吐感嘅湧現~

毒

數吓手指... 有成六日無郁過呢到，都係拜我部腦洪福! 中咗蘇丹紅「毒」!
呢六日過得非常樂趣的、享受的和令人愉快的，個故事係由星期六晚開始....

個晚... 總共有十一個人，表面上陽氣好旺盛，陰同陽嘅比率大概係十一比九... 但又有某部分係陰陽人，之所以實際上係陰氣重d。

一行十一個人走咗去燒炭(烤)，大家都好迷茫，好在個到包起火... 坐咗差唔多成粒鍾都無人郁，d炭就燒到火紅火綠，d煙亦都攻到煙霧迷漫,與此同時某部份人亦正在吞雲吐霧~ 感覺非常香火頂盛，好似真係係到盛鬼禁...

續集‧‧‧

山

星期六，一星期最後嘅一日，理所當然係應該訓多陣… 但自己就偏偏倒塔禁早起咗身~ 呢排都係心有所思禁，每日都想搵機會去做一件事，而個事又需要另一方面嘅元素去支持 – 天氣也…
呢幾日個天都幾玩野~ 係我心灰時佢竟然亦灰起上黎，又大霧…

每日，起身第一件事就係望吓座山，細個望嘅係對面座山，因為想睇吓會唔會有山火或山泥傾瀉出現(無解‧無知‧好奇)，而現在望嘅就係”Window XP”原狀wallpaper(藍天綠草)… 時代嘅轉變，駒使到我座山都變埋，吹脹!

其實周不時仍舊會望吓對面座山，但越望就越想走上去，之但係走上去又為乜呢?! 哈! 係為影相，但個天就係唔比面，灰足成個禮拜… 好想影咗合成年前買嘅 SX-70 film，雖則話唔再出，但擺係到托咩?! (成日買d野返黎都唔用，過曬期先開始掂)

唔洗講禁多，天一好，更是吾登山之時，大前題係要醒咗先!

現

中午訓咗個午覺，係我迷迷糊糊睡與暒之際，突然比一陣親切+關懷感壓咗上身… 原來係呀媽幫我蓋被，當期時隻眼仲係合埋，但感覺就十成九係呀媽，母子情麻~ (其實成間居都係得兩個人… )

起身就發現有幾個missed call，一經核對竟然全部都係公司。原本諗住年尾問題，市道狀況應該唔太理想，誰不知又唔係我想所想… 越黎越對個腦嘅判決力起懷疑，一切都真係要實行咗先，情節就會便明確地出現。

秋季係列，搖身一變，變咗冬季係列~ 見步行步就係下一步。

今日頭條 - Andy Warhol

缺

無感而發‧缺席一天！

水

偶爾的聽聽謊言，給別人騙騙也不算是什麼懷事情… 說者有心(騙)，聽者有意(受騙)，根蒂在於「利益」多少。

中午無所事事行吓海旁，正係我欣賞圍港之際~ 突然有位老外走埋黎，搭咗兩句訕後，佢竟然幫我睇起相黎，係我好奇心推壓下，只好同佢吹落去… 條友講嘅野都真係幾鬼arm聽(即係好鬼中啦~)，最令我匪而所思嘅係，佢一路講就一路寫，根住就比咗張紙仔我，然後叫我握實張紙仔，再叫我吹一下隻手(希望我願望可成真之意），然而再問我鐘意乜野顏色~ 禁我就答佢黑色，根住佢又話唔可以揀黑色、白色同紅色… 禁我為有揀綠色啦~

神奇嘅野發生啦~ 佢再叫我打開隻握咗分幾鐘嘅紙仔一睇，竟然真係寫住”Green”(綠色)! 接住就叫我係禁兒供奉少少$比GOD，於是我見佢係我呢個禁”梅”嘅狀態下記表演把戲而又講咗d禁有希望嘅說話比我聽… 我就”揞”咗五條野比佢，誰不知佢話要d “bigger one”(大張d)，禁我就順佢意比咗一舊水… 收$後佢馬不停蹄又繼續算同寫，而我就繼續享受地係禁聽，根住佢又重複禁比咗張紙仔我握實，而呢次就問我鍾意d乜野種類嘅花同最鍾意嘅Number，我又答咗佢，而呢鑊佢就叫我吹三下隻手… 當期時我一路吹就一路心有不妙禁諗…”上個野吹一下就一舊水，呢鑊唔洗講實要三舊啦!”

說時遲，那時快(唔洗講…佢又中)，但呢次佢就加入咗少少新源素，佢係個袋入面拿咗粒石仔出黎，話係"lucky stone"，與此同時大開金口叫我”make a bless for everything”，然後如我所料~ 佢呢次真係要三舊水而同時間係禁強調呢三舊水係比個”bless”，唔係比佢! 我一手就拿咗粒石仔，根住就同佢講 – “you know that I’m fucking poor right now, and that hundred buck is fair enough for your trick…seriously, I really appreciated you! seeya~

就係禁我隨著佢嘅呼喚聲掉頭就走，走呀走…一路行就一路諗到底”古” 紙仔同算命有咩”哪none”呢？！ 同時間又係到諗佢嘅竅門，但就真係”R”爆頭都諗唔到… 最後都係咪鬼諗，因為如果萬一比我諗到… 個一舊水就真係比得便「on 居」！

謝

過了今天，不知道還有沒有機會(興致)去打理這個blog了，那份的堅持，看來很有可能就此告一段落…原因是我要和「這地方」告別了。

在這短短的兩個月內，每星期在「這地方」逗留五天半，在「這地方」每一天的8 小時裡，我學會了很多，見聞也增廣了不少，那份暖流就好像在我心靈中慢慢的隨着動脈衝上大腦，使腦袋鈍時擴張，壓上了淚線，最後迫出了一滴感慨的「眼淚」。

「這地方」的感染力要比在學校裡更為強烈，相比起來，以前的學校生活根本談不上是什麼~ 課堂得到的知識便要比這裡少得多，因為在兩小時的課堂過程中，我頂多才能用上一小時去吸取網路知識，但在「這地方」，每天基本是用上40%在網路知識(Yahoo! Answer) ，30% 在網路寫作(Blogger) ，10%在網路溝通(Msn)。

最後，我要謝謝「這地方」給我清楚明白無聊的定義，它使我身和心便加的刺熱起來，就好想它們的Slogan 一樣 – “Live Life with Passion”





P.S. sorry, I hate this style of life and this kind of passion - -"

迷

今朝嘅工作係將概念溶化成文字，再將文字建立成郵件‧寄出去… 寄咗好幾封… 其中有四封比較深刻，因為難得地重新打過四份開門對白(即係resume email 裏面嘅e-mail 內容)，原因好簡單‧佢地都係大firm… 所謂嘅4條煙 - ”Association of Accredited Advertising Agents” . 動機亦好簡單‧想睇/學多d，好過齋逗份量，之但係現況經已好窄，仲係呢個時後搞埋d禁抱負嘅野?! 情況真係拍得住大熱作文題目「中學生應否談戀愛」- 迷…迷…迷…

感覺有d精神分裂，個腦好似前後分割咗，如果話似左右分割都好鴉~ 左腦係 “Serial Processing”- 序列地分析處理，右腦係就” Parallel Processing” - 整體性禁處理，前後分割… 叫我點郁好?! 無錯，古語有雲「以不變，應萬變」，但係好似易聽難理囉~ 大低都係怪自己閉鄉!

前左腦話 - 古語亦有雲「話知理(你)九七」，呢句好d，近代d，當時無理會九七個班人，都起碼叫光輝過，所以正面禁朝住「話知理(你)九七」嘅態度應該無死(起碼唔會死)。
後右腦話 – 無錯~ 衣加係就係應該見招拆招… 但如果無招(feedback)，就食蕉 ka la wow~
頂! 真係分裂得可悲!

見

Part I

耐等咗兩個月，上星期認唔住寄咗封電郵去check check，今朝終於得到回覆….
Thanks for your purchase. We did try on three occassions to e-mail you about your order but we never received a reply. We mailed out your orderand received it back about two weeks later. We have sent it out again with hopes that your order will reach you this time. Again, thank you for yourpurchase.

Stranglehold Merch

用咗hotmail 好耐，一路都好堅持禁用佢，因此佢亦加大咗d容量比我，但有好幾次佢都好唔生性，令我好失望… 今次好彩收到呢封郵件，如果唔係可能又係到白等… 或打去個到發佢圍~ 浪費曬d元氣! 當然，有可能係 “StrangleholdMerch” 吹水，根本係佢地mistake…

Part II

做任何事永遠都有兩面，屁如話，玩飛碟遊戲時，一個飛，一個接，係一個好完美嘅玩法… 但奈何有d人又鍾意加d新完素入去，將d Simple 遊戲複雜化~ 加d 花式動作落去，力氣用多咗，情緒高漲咗，係就係接唔到多過接到，佢地會覺得，雖然遊戲形式變咗，但本質依舊無變，都係為咗快樂! 另一d人又會覺得接唔到多過接到，已經唔可以稱得上為飛碟遊戲，完全失去咗呢樣遊戲玩法嘅意義，直情係第二樣野!

所以做任何事都好，自己諗法始終都要擺係頭，意見係用黎聽，唔係聽咗就要用~ 係應該加多個消化過程係中間，最後就會得出一個自己嘅意見，期後真正諗法就會浮現…

P.S. 希望需要行動去支持 ，咪比佢停，「06/STE 周二勁賞金多寶」又黎啦!

整

最近呢幾廿個鍾可以話完全對住個電腦，隻左眼睇野就越黎越模糊，好似真係就黎見到鬼禁，一定要正視下佢(左眼)… 琴晚好夜訓，佳因本來已經係夜訓，一達落床個腦就無停過(某程度上係因為d special…)，轉下轉下轉埋起身，轉下轉下又轉咗去部電腦前面，根住就開始將我個腦同我部腦合交， 就係禁~ 搞咗幾粒鍾… 我部腦失常嘅程度真係拍得住個腦，搞咗禁耐最後得到一句 “NOT ENOUGH RAM” (剛剛加咗條RAM無幾耐!) save 唔到~ 簡直係做野時最鍾意遇上嘅畫面… 嘩~正呀！差ｄ興奮到打爆部腦！！！ 最後無計… 返床訓… 搞禁耐得個吉…

今朝二話不說，完完正正禁將琴晚失去咗嘅野一鑊禁搞多次，最後… 得咗=)
唔理點整咗出黎再用吓先，話之個result係乜，試吓個反應都好鴉~

壓

一個無閑嘅駒殼，好似做乜都無所謂、無思想、無目標、無責任，到底呢d係享受定係乘受?! 如果係乘受… 又係乘受堅d咩呢?! 乘受住無重狀態下嘅壓力?! 好「九唔搭八」... 話明無重又點會有壓力… 但人係無重嘅太空上一樣會爆! 點解?!

以上嘅問題最好不過就係post 係d forum 到討論，然後就會得到便多「九唔搭八」嘅見解，便多態度會好似輕機槍式禁發出。點解坐低吹水呢個行為會過時?! 文字真係勝於語言咩?! 唔係話週末出黎係禁飲根住迷迷糊糊禁交談嘅吹水(酒水)，而係講緊可唔可以係清醒狀態下三五知己聚埋嘅交談…

同身邊朋友吹水，離唔開嘅話題有壓力、壓力同壓力，有時都會諗… 其實係唔係禁多壓力呀(我在內)?! 諗深一層，其實我地嘅生活環境已經算係禁，無暴風雪，無地震，無暴亂，無內戰，只要求其加樣落黎，我地可能會即死，個d先稱得上為真真正正嘅壓力~

Pressure pushing down on me, pressing down on you, no man ask for
Under pressure, that burns a building down Splits a family in two, puts people on streets
It's the terror of knowing what this world is about Watching some good friends screaming...let me out!
Pray tomorrow, takes me higher
By Queen

証

朝早如常禁等九巴士，如常禁坐九巴士，當正準備如常禁上上層坐時，突然心血來潮去咗下層坐(1)，奇妙嘅旅程就此發生…

舊九巴(2)黎講就最鐘意最後最陰嘅位(角lock頭)，當我坐咗落去就如常禁睇書，睇睇吓發覺周邊真係好陰吓 – 全部「女」(3)，打側座位d女士唔係睇野就係寫野，又黑粗眼鏡又PDA又notice禁，中間企個d就得行轉吓post，成個畫面加上耳邊嘅音樂直情係一場fashion show 禁，難能可見嘅情景! 搞到我都唔知睇書好定睇景好~ 一陣子，九巴士終於埋站，亦係呢場show 嘅尾聲，大多Model們就係禁走咗(落車)…,

感覺唔好就應該轉換吓環境，意想不到嘅野真係會出現，因此今朝同昨日(resigned)嘅舉動都係完全正確，如果唔係我就只會一路對抗不滿地坐上層座，而又忽略咗多采多姿嘅下層座。

解說:
(1)
其實係突然唔想比d風吹動住d頭髮，我又鍾意係車上睇書… 真係頂唔順個畫面，而底層就好少人會開窗，因為開窗就等於食塵… 講開又要話吓d戌利點解禁鍾意開到d窗「大大的」又唔坐個個位，每當我”山”細d，下一個人又會「大大的」，係要有個人坐正個位先很唔對抗 - ”山”細d!
(2)
舊九巴底層後座設計係唔會令乘客面對面，又有一小格空位比我晾腳。
(3)
終於明白點解上層經常性男多女小，原來全部坐曬下層…

厭

每日都有好多厭悶性工作者係我地身邊出現， 有時都會諗吓點解佢地可以有禁能耐?! 到底係享受定係無選擇呢?! 但搖身一諗~ 自己都係佢地嘅一份子…唔係…應該係話大部分人都係厭悶性工作者至真！每日落床， 上裝，進食(或有人唔食) ，坐交通工具，工作，進食(或有人唔食) ，工作，坐交通工具，進食(或有人唔食)，下裝，上床…複製式禁度過，就算間中加一兩項節目入去（例：拍施、朋聚、行街…），厭悶始終係厭悶~

人們認同嘅非厭悶性工作項目有明星、P.R、廣告、設計師、海洋訓練員、新聞、領犬員、電台、Model、攝影師同舞台設計師…等等…大至上係禁（諗唔曬）～　當佢地每日不斷重複禁做同一樣工作項目，唔洗幾耐一定會感厭悶（除非係超熱衷，係超熱衷呀！學名係「過份熱衷症後群」Reference by 我，即係「病」～　唔算！），到其時一係轉行一係就硬著頭皮做落去…再唔係就沈淪吓，當然～亦有ｄ人會好好地培養下一代接班人去確認自己嘅存在感…睇個人思維啦…

日常生活中厭悶性愛情亦係一樣必然項目，日對夜對就不在話下啦～就算一個月見兩三鑊相對黎講都係一樣，一兩年後一樣會有厭悶感，因為就係厭係一個月見得個兩三鑊，不如冇哪見啦…噗陸～do…(電話)… do … do ………………
比個俊男美女有財有賢嘅伴侶又點？！要厭就厭，厭你／妳過分型過分艷，無安全感，厭你過分有財，想生活得平淡ｄ，厭妳過分賢淑，無ｄ激情，亦可以係無任何理由下講「都禁耐啦～好厭呀，我受夠啦～」，噗陸～do…(電話)… do … do ………………　
厭悶性嘅殺傷力真係好大，但有時它亦只不過是一個借口巴了。

人生得意須盡歡，高高興興過日晨，厭唔厭悶係自己話咖咋，人覺您悶，無奈您又自得其樂…吹呀！總之我就認為重複行為係同一樣事物上，厭悶感就會不以為然地出現，除咗中六合彩之外，因為大部分人都唔會中六合彩！

越

聽嘅睇嘅越多，人嘅心智就會開始動搖，郁定唔郁其實好睇個人態度。諗呢樣做個樣，不段重複~又重複禁做好多野，同一時間又係到諗有乜新野搞~ 好似好多都齋開大個頭而無咗個尾禁 – 撲克牌十三張黎講就係「擺烏龍」… 要比人殺全注，即係輸曬!

做嘅野越多…面對嘅野又會越多，自然煩嘅野又會越多，禁壓力嘅野又會越多，因此諗嘅野又會越多，即係用腦嘅機會又會越多，變相學到嘅野又會越多，久而久之睇法嘅野又會越多，而態度嘅野又會越多，之但係$嘅野又唔會越多，根住岩咀形嘅野又會越少，面對嘅野又會越少，自然煩嘅野又會越少，禁壓力嘅野又會越少，因此諗嘅野又會越少，即係用腦嘅機會又會越少… 仲之情況會360度奕轉，之前越多嘅野會轉變為越少，而d $又唔會相對地轉變為越多!

越多路牌選擇，只會得到越多疑惑，就算行咗入去又會覺得唔多對勁，最後又想走返出黎睇吓個路牌試吓第二條路會唔會好d，永無始境… 好鍾意黃秋生係電影「伊波拉病毒」裡面嘅一個畫面同一句對白，瀟灑得黎帶點硬朗 - 「Good~Bye 啦~ 冚家拎~ 咔tut!」。

答

九唔答八已成為身邊人或自己嘅習慣溝通行為，英文係"Unbalanced Respond Habit" Reference by 我

"部手機好唔好用?"答案係"始終係相機影得靚d" ，"個party好唔好玩?"答案係"全晚都打house"，"生意好唔好?"答案係"齋做weekend"，叫餸時問"餓唔餓?" 答案係"食咗少少野" ，等等‧等等…

其實d問題都係無聊時侯問多，而答嘅就更加答到「九唔答八」，係要令到問問題嘅人再度思考，完全失去咗問問題係為咗得到答案嘅原意。但係呢d溝通行為又經常係我地日常生活中遇到，禁係咪代表現今嘅生活模式確係無聊呢? d話題去曬邊? D答案又去曬邊?

7,80’s呢批人都算係禁，有問答交流… 您試吓同d 90’s中期出世 嘅人溝通吓~ 包您想拉佢地去勞改，無論您問d乜… 佢地第一句答案大多都會答「咩?」，根住就要重複問多一次先，然後得到嘅答案會係「唔知」或者「~」靜曬，當然某部份人會正常地比您一d「九唔答八」嘅答案啦~

無錯~ Internet 嘅出現令到溝通方便咗好多好多，所以口舌上嘅溝通可能少咗，亦因為Internet令我地多咗好多途徑去宣洩個人嘅態度同憤怒… 好多無見多時嘅朋友仍然可以係朋友，仍然可以互訴心聲… 但係每每face to face 嘅時候就總覺得無乜野好講又或者零眼神接觸，總之d感覺就好似d木棉灑咗係身禁 – 郁黎郁去好唔自在~

好鍾意睇live show，鍾意d 現場反應，鍾意睇d人點樣兜，鍾意睇d人點「打完場」，便鍾意睇人地出錯時點樣「汁生」…做得live show嘅人或band，大多都好識搞氣氛，d觀眾亦大多比回好好嘅反應，就算d表演者求其講d廢話都會收到好多有質素嘅反應… 禁點解我地平時就唔可以比到d比較有質素嘅反應比身邊嘅人呢?!

影

一朝早心血來潮想買返幾合Polaroid film黎玩吓，因聽聞Polaroid SX-70出返專用film叫"SX-70 BLEND"。

返到無聊環境後就急不及侍禁上網seach，點知得黎嘅結果係"29,90 EUR* per cut"... 即係要成三百幾萬港旗兩合，都幾狂~ 與此同時卓上電話響起，又係關於相... 呢次係叫我去影相~ 於是成朝就係禁影相，"mou" 到我腳都"敝"! 成朝朝都圍繞住一樣我有興趣而又唔多想去深入研究嘅野 - 影相! 最大問題係阻住呀叔我做朝早要做嘅野呀ma... 打野也~

今朝都可算係做得多野啦~ 真係盡曬力去追求啦~ 真係可以話連汁都出埋，根住落黎就只有等‧等‧等‧答案唔知，可能性便可以話係醉咗禁... 模糊不清~ please provide that 3 poin for me =)

穫

到低繼續等還是先將它放一邊呢?! 經常都會有這樣的情況出現，老天爺總喜歡戲弄凡人，越想得到的東西就越難求~ 「家‧情‧事」這三個字是永遠不能平衡的，當您稍為注重某一項時，它就偏偏無動而終，反而不注重的兩項就莫名其妙的活躍起來，像擋也擋不住的樣子。

要追求就必須行動、主動、積極、堅持和進取，這些都是「追求」事物的先缺條件，要不言就只能說是一位「終極思想家」 - 只想到終點的境況而忽略了過程的實況。但就算實行了「追求」的先缺條件，也不代表夢寐以求的事情就會發生，因為我便相信「三分天注定，七分靠打拼」，有些事情是不能強求的‧‧‧強求後得到的只會是一種變了質的事物。

某部份年輕人經驗和見聞不夠，所以做事有拍力... 有夢想... 有志氣... 這樣說可能是偏激了一點，無奈這可是事實呵!當這些人稍為碰了一下釘子，他們就會頓時大亂，一下只回到起點... 但要知道那時候才是真真正正的開始，因為他們已不再是那某部份的年輕人了，而是擁有了經驗和見聞的人，如果他們還能堅持着那份拍力、夢想和志氣，那麼成功就不再是夢境裏的事了... =)

當然，有些人是天才橫日，一生做事如願以償，根本不需要什麼主動、積極、堅持... 等等...等等，赴出三分力就能得十分的收穫，您是那些人嗎?!

造

呢兩日總有一d時段係諗「圖案」，原動力全是因為一個interview，先唔好講係咪為咗做而造... 最起碼都叫做返自己野，唔係完全商業用途。呢兩日令自己有機會睇返好多舊「圖」，亦明白點解d舊「圖」完全無比d公司應用過... 答案係d公司全部都想自己嘅產品"出"! 而圖案只不過係「配角」，一唔係就好似"iPod"禁紅乜「配角」都唔洗，一樣好多人話cool or 有taste，如果唔係我就覺得要d「圖案」去帶出d產品... 等人注意!

試過好幾次做過d所謂cool or 有taste 嘅design (即係簡潔嘅background配親住「主角」)，反應係"太簡單"、"無乜特別" 同"I don't like this"..etc. 因此大早我已開始放棄所有自己嘅諗發，全力根除住佢地嘅諗發! 我好明白某程度上係自己際遇問題，做親都係個d crap order... 亦未清楚明白乜野係DESIGN~ 但有計嗎?!

自己根本就係唔識點做「配角」... 您要我求其搵d圖就禁達落去，禁不如我就禁比d賣圖嘅site您自己去買相根住達相，洗鬼De，洗鬼sign呀! 所以衣加嘅我只是做緊工作而唔係創作，朝九半晚六半... 日複日禁... 直至琴日終於用咗工作時間去做咗自己嘅作品，佳因係為咗個interview，但完成後發覺個interview都係其次... 起碼呢兩幅圖叫做係自己「Heart Work」!