工
眨吓眼就嚟到last DAY!
回顧呢兩年幾嘅"a life"，大多為正面的，感覺上時間多咗(起碼多咗個星期六~)。我明白大部份同事們都對"a Ltd" 怨多興少(好"興"除外)，正所謂返工唔上心，閒事致認真! 工餘時增廣了不少見聞(Internet)，工餘係指返工時多餘的時間也~
拜朵畏，大早已明白到我嘅作品對呢間「工」司嘅用途已不大，我嘅工作只係返工，造它們想我做的事就足夠，呢一點，係portfolio內就見得~ 見工時睇番... 大多為它們用不著嘅作品。呢兩年間"a Ltd"都帶比我好多野，最得本人珍而重之嘅係佢 -「i」小姐~
一陣會同兩位朋友去食lunch，昔日同事現在朋友，可遇不可求的東西，「工」司九萬幾人，點頭之交多的是，我嘅圈子裡永無要好的同事，只有要好嘅朋友，乾一杯~乾一杯~恭祝友誼~YEAH!!! 我諗食埋個lunch都係時候閃，今日係大除夕，「工」司出memo會放1600，但「工」司員工車安排係1630~ 吹賬~ 今晚會去鹿洞打邊爐，無錯，又打邊爐~ 呵~呵~呵~
聖
今個聖誕過得好爽，休哉悠哉非常~
平安夜晚接i仁後突發地去咗操姜，地點改為我主場，因為我想聽聽歌~ 結果平平安安有正數~ Yeah!
跟住落嚟連打兩次邊爐，分別係聖誕夜同boxing day... 打完個晚邊爐好瞓非常，瞓醒再同吖媽一齊打~ 正所謂「打唔可以解決問題」，因此，雖然最終仲有一部份食物未解決，但無辦法啦~ 太濟啦~ 必需要停一停~ 過後幾日一再食過!!! 係boxing day 當晚終於睇咗"Twilight"，無錯，係第一集~ 睇完終於明白點解男主角可以吸引咁多女士們，原因就等同當初木村拓哉~ 未睇過戀愛世紀嘅朋友係唔會感覺佢吸引~
星期一補假天，相約咗吖籠icy吖鹿一行三人加i仁去尖沙咀吖茵樹睇衫，晚飯去咗石硤尾食晚飯，又再次好濟的收場，因此依加就出發去gym~ 跑~跑~跑!
宰
剛過去嘅星期日(19Dec10)，再一次被MGM宰咗鑊金! 啱啱記起對上一次金金的都係MGM~ Anyways, MGM會被無限期Blacklist~ 呼呼的~ 呼呼的~ 真傷感~
MGM過後一同8人再次幫襯「水佬榮」~ 結果又一次被宰~ 被宰菜單有糕蟹加肉蟹(重三斤幾)湯底成千銀、響螺三百幾銀一碟(廿幾粒)．．. 係呢一刻，我要唱了「沒有這犧牲~怎可讓你我得救~每個劫數~時間會善后~oh~yea~yea~」!
回港後嘅星期一留家休養，晨早和i仁一同起床感覺清新開朗~陽光溫暖~帶來無限美~ 跟住送佢上班(MTR only~)，之後同吖媽飲茶~ 接著就暈咗一整天~ 最後好感激背後的兩位女士(吖媽和i仁)，使我被宰後的路變得平坦咗~ 最後最後真係要講多句"F that MGM"!!!
倦
琴晚去完新公司嘅派對，依加狀態都幾倦... 但今晚都會去做gym! 講番個派對主打項目“Pétanque“~ 個人認為都幾好玩，係開頭計分程序編大咗Ｄ，搞到身為最後三強之一嘅我要玩到11點幾... 返到屋企都成12:30am~ 但都好... 可能因為咁，利好入睡狀態~ 琴晚唯一美中不足嘅事就係吹水吹過龍，係又食又吹之下咬到條脷~ 痛到成晚係樹食冰!!!
禮
琴日工作途中，i仁打來一句msn信息：「今年不要聖誕禮物了~」。睇過後感動非常，原因之一係不需要為買而買~ 中了節日商品化嘅計謀，當然，佢嘅出發點係想我不用花錢在禮物上，因為最近確實非常窄洗，同花旗國一樣，要實行收緊銀根政策! 再者，其實買禮物好應該隨心所欲咁買，為買而買係無意義的，多舊魚的... 是問大時大節，各大商品禮品店都推出大量產品，為買而買下只會買埋Ｄ同其他人一樣嘅東西，全無特別可言~
另外，今朝早返到公司，一慣地拎住份am730，條條fing咁上去canteen食早餐，途中遇見佬細之一的葉生，慣例地打個骨摸檸，佢嘅回應係：「去邊吖你？」，我回答：「上天台~」，原來佢係問做乜唔做... 去邊樹做?! 人工高D?! 好悶ka wow~ 一下子問咗幾條問題~ 我答佢offer好D，可能後會有期~ 且如之類嘅回應。
結論係:
以佢身為一個位高拳重嘅人嚟講，都知道一隻鵪春小識員嘅去留，對佢印像又比當年好了一點點~
藥
琴晚做完gym，感覺良好。
本來，放工打算拎藥比藥藥，可惜出門無食藥，遺忘了包藥，好在藥藥有中藥，好過食西藥，食後體力會減弱。
既然係咁，今晚決定去剪髮，剪晒Ｄ MK啡黃毛毛，打從上次電髮後就一路殘存至今，雖則唔係好顯眼，但既然係斬髮就當然順便除埋根啦~
明晚會與新工司嘅同事相聚，並且會玩“Pétanque“，致於“Pétanque“係乜東東，照目前資料所見，這是個「來路」遊戲，玩法會似草地滾球，但分別在於佢唔係只限制係草地上，其實大早係各大百貨公司嘅「來路貨」櫃檯都見過，一盒盒金屬球體．．．講多無謂，玩過便知龍與鳳~ 在此告一段落!
走
經已有數唔到幾多日無係呢樹留字，事出突然必有蹊蹺。工作變幻多，終係時候講拜拜，無錯! 又進入坐月期．．．不經好覺地係呢間公司做咗兩年有多，亦係目前為止做得最長嘅一份工。期間睇多了學多了明多了認多了，總之就多了很多很多了。。。
anyways, 入番正題... 如無昨日嘅我又何來呢一刻嘅我呢?! 正字正確~
係呢兩年裡面，可以肯定只有頭果年係用心用力地幹工的，打餘其後的日子就只是幹他的~ 行屍走肉~ 哎~ 都係咪再講舊屎，沖得走就算啦~ 呢樹可能係不久嘅將來會有新動向呢~ good luck!
最後，本人非常滿意即將來臨嘅工作單位，offer 也是非常陣奮的，不枉消耗咗咁多精力與耐力~ (講到好似搵咗份AV男嘅工作咁)
眨吓眼就嚟到last DAY! 
