提

久未提指（打字也），近排都係沉溺於夢遊中，電台、書刊、音樂、打字、影碟、聯誼、等等．．等等．．． 以上一切都好似停頓咗成個月，呢個７月就只有一樣野係樹不停有增無減地運行著，塵世間可以有一樣野去替代吾一向嘅作風，的確有點兒「奈」人尋味。

呢一刻，有種與世斷折嘅感覺，對大部份嘅世事都不太感興趣，唯一想做嘅野就係前所未做嘅野，至於係咩就其實仲好迷糊，肯定嘅係 ﹣唔會「湯」脛。

講完一堆廢感後，都係時候記載下近排生活嘅點滴，就記下尋晚嘅家庭飯局啦... 兩個外表好抽過我嘅兒童，經己不再係兒童了，明好明顯已成為兩位青少年了，但我依然是我，感覺不良好下，一樣會插爆佢哋~ 呵呵~ 近諸者赤．．．呢排真係變態咗少少!

交

呢排真係有Ｄ筋皮力盡嘅感覺．．． 睡眠極之不足，直達站立都瞓得著，好危險~ 而儀容上，唔講嘅話，仲以為帶咗墨鏡（黑眼圈），淡夏將至，型！

正所謂「話不投機半句多」！因此筋皮力盡都可謂非常值得，死而無撼 =) 都係唔好講咁多「神交」論．．．will see!

「佬黎」又出新書（買時已係第二冊），週日比人插，但每次出書都咁好賣~ 香港人．．．佢講嘅野成日有種似是而非，永遠浮游係「道理」與「Y理」之間，不能盡信，亦不能不信．．． 呢啲咪叫張力囉~ 當故事書黎睇就最好不過。

其實．．．以呢排嘅精神狀態，連報紙都無乜掂過，幾時先會睇晒呢本野．．．雖然最近真係無乜文字入腦，但依然好多野袋落袋囉~ cheers =)

蒸

7月1日，回歸後第十一年。
朝早7點未到就起咗身，隨心而醒… 梳洗後就出發嘆早餐，加埋閱報時間，都係用咗個幾鐘。返到屋企未到9點，心血來潮走去跑步，一出樓門發覺，清晨時嘅毛毛細雨已變成金黃色嘅晨光，跑吖跑… 跑吖跑….越跑越唔對勁~

未乾透嘅跑徑不段咁蒸發出暖曖嘅霧氣，真係頂唔順，眼見迎面而來嘅「跑手」，一個二個好似快被溶解咁，洗唔洗~ 再諗深一層，都係因為平時多係晚上進行呢項運動，黑嘛嘛，係人係鬼都唔知啦~ 基本上都係跑咗大約半粒鍾，係體力不繼下回巢，沖洗過後就開始打呢編野。

打從轉咗新環境，乜都做少咗，對上一星期連報紙都無乜睇過，與世隔絕原來就係咁簡單，life like that… 又黎料~ 早兩日終於睇咗”CRASH”，畫面多而不亂，導出確確實實係美國呢個所謂自由社會架構下嘅種類問題，最攞膽嘅係好多感情交代都係盡在不言中，上半段仇恨，下半段嘅包容，老而不肚，好嘢!

到此為止，搞到好似寫影評咁，總之再睇就是了。