送

今朝送完吖媽機，出門前已幫媽媽準備一切，基本上成個行程直至過埋境嘅一刻都唔需要交談，應該都可算係合乎姖所要求~

打從幫吖媽買機票、填表、買雜物、寫便條開始… 心裡果種非筆墨可形容嘅失落感就未停過，直到今朝去到機場check in嘅櫃前，望著她那水汪汪的眼睛，自己也不能再控制呢排埋藏於心裡的難堪心情，最終也只能任由它勇至到我那狹窄的心頭，雖則話只係果個拎月旅程，但點解我冇得去吖! 我要去旅行吖~　媽!!!

秋

終於過咗中秋，打從對上個十幾年黎都對呢個節日無咩感覺，因為月餅同煲蠟已再唔係我柸茶… 現今中秋節對自己最有意義就係有假放~

小時候都好鐘意中秋節，最大原因係可以攞正牌去玩火‧煲蠟也~ 煲蠟所需工具有汽水蓋、鐡絲、蠟燭同埋口水一篤… 玩法係將條鐡絲圍繞著汽水蓋打圈再留番一條長長嘅鐡絲係尾段，形成一隻鑊同一條鑊抦咁，根住點著一根蠟燭再分切另外一根蠟燭放落隻汽水蓋(鑊)上，煲吖煲~ 煲吖煲~ 煲到隻蓋著火為止，搞咁多野就係等呢一刻…

一見隻汽水蓋著火就描準發射，吐篤淡柔嘅口水落去(唔係痰!)… 與此同時「鬼火」就會出現~ 即係好似d大廚師炒餸咁d火吧吧聲地由隻鑊到升上黎，鬼死咁過癮! 採取用口水而唔用清水係因為口水易控制，而又方便攜帶同埋份量啱啱好~ 因為如果射多咗水落隻「鑊」上好可能會完全淋息d火… 到期時就真係多舊魚~

雖然話依加政府立例唔再批准玩煲蠟呢樣遊戲，但昔逢中秋佳節都仲可以見到小貓幾隻係街角或山上到煲蠟，至於玩法就已經大大唔同，眼見d小朋友只係點著枝蠟燭坐係地上，眼神呆滯地ber住枝蠟燭，身旁一隻燈籠，如果唔係中秋佳節遇見… 一定以為自己撞野~

燥

呢排有d「燥」，生活無情操，可能係乾燥…

有d衝動請個長假同吖媽遠走高飛，去到地球嘅另一邊探望應該探嘅人~ 話需如此，所謂嘅「長假期」亦只不過係十拎日咁大把~ SIGH~

去旅行最好應該係啱啱遲識兼銀彈充足之期，無憂無慮地感受旅點嘅風土人情，搞搞吓有機會係當地做埋野就仲爽~ 嘿~ 人生嘛~

黎緊嘅幾日有一堆野等住去處理，諗起都頭痕，唯有抄低佢(記錄)先，完成後用筆一一劃掉，咁咪唔洗去諗囉~ cool!

茶

每朝返工都會去一間外賣早餐店賣奶茶，有時幫買早餐店嘅原裝三文治，有時又會賣「Mc記」包去配搭柸奶茶，總之食物就無乜所謂，主角係個柸奶茶~

柸奶茶味道其實無乜特別，幫親嘅原因係佢可以帶來一種滿足感~
一個字… 「阿」!

無錯~ 佢可以帶動腹部發起微陣，「阿」出您所想… 每日一「阿」都全靠呢柸奶茶! 感覺好鬼死健康~

點解咁肯定係柸幻茶幫忙?! 因為一星期就只有星期天感覺「不健康」…
但今日靈機一動，會唔會係間野其實每日都落咗好輕量嘅瀉藥落啲奶荼到呢?! 正! 又一門大生意!

眼

以觸角已然眼睛所看到的似乎已經是事情的一切，每當描述一些事情時結尾加上一句「是親眼看到的!」，感覺好比「公仔廂」內的新聞報導員所說的便為屬實，那麼魔術是真的嗎?!

現在回想起昔日的所聽所聞簡直就如一堆阻塞著馬桶沖洗的草紙，甚麼沖也沖不掉，只好待它自動溶化!

人們往往留戀著昔日的光輝而遺忘了現實的燦爛，回憶終需淡忘，這亦叫人們別再懶惰… 可惜是懶惰只因淡忘了昔日的光輝…

周

琴晚又佬友鬼鬼幾條戊利聚手一堂，做嘅都係走唔開果幾味… 加上又睇咗次「新精武門」… 隔一段時間睇一鑊確係一件樂事~ =)

又得知~ 聽聞「新精武門」同「漫畫威龍」其實係同一套片，最後被剪成兩套電影上畫… 而最终戲中主角又只能收取一份片酬… 如果所聞屬實，咁以現在周生對港產片商嘅態度又確實係「串」得有理~

btw, 有趣嘅一晚~ 因此驅使今朝返工過程係閉目養神魂魄離巢，殺那間就發現身處公司~ 面前一個screen~ 一個字… 「暈」!

電

好耐無坐定定係屋企打野，其本上屋企部腦嘅用途只作於音樂播放器同埋做下公益行為(網上投注)，但至從左邊喇叭"short"咗之後，就連歌都播少埋，咁可想而知... 它的用途就只係一部轉送善款嘅機器~

可憐嘅電腦...真係對你唔住~

但都總好過成為一位「電車男」!