膳

前三晚一共同咗三位朋友供膳，一晚一個唔好錯過~

佢地三位各不相識，即係分別係嚟致三組朋友群，佢地行業不一、層面不一、態度不一、話題不一、品味不一、除咗性別統一就乜都不一，如果唔係早已經我介紹組成一大派…

古語有云「吹水吹過龍」，呢三條友(好朋友)除咗令到自己喉嚨有些許發炎外，就係証明咗另一古語「高處未算高‧低處未算低」。多謝~

寶

琴日係一星期一度「星期天」，個人認為「星期天」係非常之寶貴嘅一天，因為佢可以補充星期六晚所消耗嘅能量，亦係唯一可以訓到黃朝百晏嘅一日…

上星期六晚返歸後一路「戲」一路「戲」直至五點先訓(星期日朝)，第二日竟然係無壓力下正午十二點就起咗身，係真真正正醒晒果隻~ 個種感覺好內疚，好似好對唔住自己咁… 最後唯一可以做嘅就係過幾個鐘後訓番個午睡黎中和吓~

就係啱啱對自己講完呢番說話後嘅數秒，一把無法可修飾的一對手拍咗我一下，跟住我抬起頭見到一雙多麼溫馨的目光，聽到一句:「一陣會有客人黎~」，個吓衝擊好大… 第一反映係:「嘩~ 星期一至六都唔黎，為咩要搵星期日先出動?!x#$%@^&~」，接著分裂出黎嘅自己答咗一個非常好嘅答案:「就係因為星期日‧‧‧放假~」。

唔想比一個零狀態下嘅自己去面對客人，因此決定一走了之~ 呢一走~ 足足走咗成日，晚上九點幾先回巢，過程仲要係單拖… 因為古都古唔到佢地可以坐到成九點幾先扯~

燥

以下係同家姐個仔(小學六年級)嘅一段msn...
開場白係我話佢成日係家姐面前打「小報告」~ 講到佢有d燥...
哈哈~ 好爽~

Pessimist 說:冇人性
*red+u琛 說:我冇性正常
Pessimist 說:以出賣別人為樂
*red+u琛 說:what?
*red+u琛 說:例子
*red+u琛 說:有冇?
*red+u琛 說:SAY下
Pessimist 說:數之不盡...
*red+u琛 說:我想知我有幾冇人性
*red+u琛 說:take one lo
Pessimist 說:我唔會講... 因為我唔係你呢種人
*red+u琛 說:我e+想你講
*red+u琛 說:唔好咁冇人性
*red+u琛 說:我想你講
*red+u琛 說:快啦
*red+u琛 說:喂
Pessimist 說:好難開口...如果我講... 就等同好似你咁冇人性
*red+u琛 說:如果你唔講,就仲冇人性
*red+u琛 說:知唔知?
*red+u琛 說:e+係我想你講
*red+u琛 說:得味
Pessimist 說:唔得~
Pessimist 說:我係一個君子
*red+u琛 說:你冇人性ar ma
Pessimist 說:做唔出
Pessimist 說:真係做唔出....算我無能
*red+u琛 說:你係一個無能君子
*red+u琛 說:知唔知?
*red+u琛 說:唔知我e+話你知
Pessimist 說:起碼好過你... 因為我始終係"君子"
*red+u琛 說:你係君子,我係你上君子lo
*red+u琛 說:明唔明?
*red+u琛 說:想say咩呀
Pessimist 說:我係君子.... 你去ya屎~
*red+u琛 說:我係上君子.....你去食屎
*red+u琛 說:or飲尿
Pessimist 說:講得好... 香港屎中有你
*red+u琛 說:哈哈
*red+u琛 說:^^
*red+u琛 說:off la
*red+u琛 說:886

14歲狀元同9歲入大學有咩值得去報導/出奇~

最

我最憎假仁假義態度惡劣，因此極度憎恨假上司。
我最憎掉以輕心面對問題，因此不斷感覺有問題。
我最憎嘔心瀝血無人問津，因此甚少地全情投入。
我最憎唔尊重別人嘅戍利，因此稱呼戍利為戍利。
我最憎排排坐齊齊等結果，因此經常體驗碰釘子。
我最憎為需要而去扮需要，因此從來唔想去加班。
我最憎太監替皇后擐手袋，因此至今從未送手袋。
我最憎中雀屎後唔中頭獎，因此前兩日又中雀屎。

碰

星期天，一大早接到媽媽的來電說道:「姐夫交通意外，車子碰了巴士，你趕快去看看!」，聽到消息後馬上趕去…

上了「的士」我趕忙的說出目的地，而司機就反問我:「係咪xxx隔離?」，我連忙回答他其實我不清楚「那」在那… 最後他只好「call台」，路程中… 他不斷跟我解釋「目的地」的歷史，以前的面貌，附近有什麼路，應該走那條路比較快… 等等… 他的聲音不斷的在我耳邊盤旋，而我的反應就只有「哦」、「唔」、「嘿」… 因為他給我的感覺除了煩… 其實也算不錯(有時感覺就是這麼奇妙)~ 他自言自語了十數分鐘後，終於問道:「去那幹嘛?」，平時的我早已打斷了這般的「熱情」，他也沒可能有機會扯到如此話題~ 但不知為何，當時我回了他:「親友交通意外，請要趕快到達~」，心想他聽到如此一答，應該會停嘴專心駕駛，甚想到安寧數秒後….又來一句「嘩~ 係咁走xxx 會快d，果到…」下刪萬字… 最後我心裡只出現了一個「服」字~

花了半小時到達現場，看到的只有姐姐孤單的打著雨傘站在一旁，而在她面前的只有一輛「平了頭」的私家車~ 我趕快走去她前面問過究竟，得到一句「姐夫去了醫院，人沒傷」，總算不幸之中的大幸~ 接著我的視線轉移到她的車子上，一看之下，「total lost」是走不掉的了… 人沒事真的全靠上天的護蔭! 但這一來上天是不可能再呵護到她錢包裡的傷~

幾小時後，姐夫終於出現在眼前，我和他一同去了九巴公司談判陪賞上的問題，結果得來的當然是不合理的價錢，因為意外因由百分百是錯在我們身上，最後唯有接受~ 在回程的路上突然聽見「BBB~BB」，搖頭一看…　原來是一輛「九巴」，殺那間還以為是「變型金鋼」~ 因為眼一看過去它前門就「喇~~~」一聲打開，加上巨大的車身… 等等~ 說回頭… 原來是一個非常好心的九巴司機，他說我們不要浪費時間在剛才談判的家伙身上，最後還提供了一個地址給我們，說在那兒才會得到比較合理的結果~

第二天，姐夫前往那好心九巴司機提供的地址，雖然最後陪賞金額還是沒變，但那九巴司機的舉動還是值得嘉許~嘉許~

專

最終都係打唔成風… 大家為嘅都只係一個意料之外嘅假期，而個風就好像黎到屋前拷吓門就走咗~ 真無禮!

琴日睇d人係forum研究今日會唔會有8號波，值得一贊嘅係~ 香港人真係好專業，只要有興趣就乜都做得pro…

係個post裡睇到條友直情圖文併茂成幅天象圖paste出黎研究，最頂引係回post嘅人竟也一起以專業嘅口吻同條友探討落去，直情係天氣報導個隻…

自己可以稱得上為一名地理(圖)白痴，一切與位置有關嘅問題對我黎講都係一個「問題」，唔好話睇幅圖後研究個風嘅走向，我就連咩係代表「風」嘅符號都未搞得清~ 但以下係我唯一可以清晰地理解嘅一幅「天文圖」，最後亦因為呢幅圖而肯定今日可掛8號波嘅機會微乎其微~

醉

呢排沉醉於一首歌曲 – 9 Crimes，睇Damien Rice 同 Lisa Hannigan 醉心夢死嘅演繹，真係暈得一陣陣…

又一個典形簡單而又動心嘅編曲，成首歌重重複複都係運行著四個chord~ 單睇youtube 就有數以百計嘅朋友玩呢首歌嘅cover，而雲雲番唱者當中，自己就最鍾意呢兩條「茂利」，「斜」得黎又不失原曲嘅韻味… enjoy =)

癲

琴晚又「比鬼壓」，兩三年一鑊… 即係半睡半醒嘅狀態下不能自控~ 每次遇到咁嘅情況，最後都會用意志力去搞掂佢… 即係拼命地張開雙眼，係都要望吓邊隻鬼咁夠”pop”壓本「座」!

心無愧，實又何來鬼?! 由此至終，我都係相信以上情況只不過係訓覺時其中一條肋同另一條肋重疊咗~ 即係「痴孖肋」…

年幼時仲勁，大喊大叫嚇到吖媽都唔認得，差d連姖都「大喊大叫」埋一份… 但個時又無去睇過醫生，最後得知原來小朋友日間玩得過癲，夜間就會發癲~ 其實係呢一刻都好記得「發癲」嘅畫面，但又偏偏唔可以清晰地表達出黎，依咖呢個狀態下諗起個畫面，又感覺唔到半點惶恐，簡單黎講個畫面就好似「畢加索」d畫咁~

咁樣睇黎… 會唔會因為日間有壓力而導致夜間又有「壓力」呢?! 另一邊廂又覺得… 咁後生… 邊得黎咁多壓力~ 都係似「痴孖肋」多啲~

禮

生活嘅平淡到成個星期都無咩好發表，但無咩發表又唔代表無咩發生…

諗咗一陣… 除咗個市跌到扒街之外，就係終於完成咗”MARCO”嘅生日禮物了~ he..he… 但唔知點放flash係呢到，為有放一D畫面算~

琴晚佢吖媽(二家姐)打黎同我吖媽閒談完後，接著我就同姖吹咗兩嘴~ 談到姖個仔嘅生日禮物時，我仲迴避地話:「得咖啦~ 唔洗青~」，姖再講:「唔好求其吖~」，最後唯有用最常用而又最好用嘅一句:「一定比上次好!」，但其實我經已完成咗~ 日子一到，禮物即到~

傾傾吓~ yeah~ 傾到姖肚裡面個新成員，仲傾到點為「新成員」搞一個MARCO形式嘅生日禮品… YEAH~ 頭都爆埋~ 講堅… 真係好「青」~ 原先一年一個都夠晒「青」，依加重要一年兩個?! 直情成塊面「紫」埋都仲得! 真係要諗諗，搞條完美D嘅方案!