費

重有45分23秒就放工，係呢個moment真係唔知可以做d乜，為有打吓野~ 就係打緊野嘅同時，時間已經不驚異地消逝… 就係禁~ 消耗咗5分鐘~ 正!

諗…諗…諗… 到底可以寫d乜?! 打blog如此，人生如此，每人都係百忙嘅生活內過活，同時亦編寫住一段一段屬與自己嘅人生~

寫blog時，有人會習慣無感而發都會打兩三粒字，為打而打~ 相對於亦有好多人都係「白」忙之中生活着，明明無野做都硬係鍾意行快d、食快d、玩快d、做快d(某方面)、講快d…等等…等等… 白忙一通~

無野想寫或無野想做就不如「停」吓好過，身軀停頓就唔代表腦袋停頓，諗多陣‧可能寫嘅同做嘅都會有d價值… 睇吓~ 話都無禁快就六點，終於無浪費人生裏面嘅其中一段45分23秒…

恭

今日係大年初一，每年父母嘅利是錢大小都會隨着我「目前」經濟狀況黎包，恭賀語亦由「學業進步」轉為「事業有成」~ 真係多謝曬禁多年黎嘅支持!!! 今年開始您地終於得到回報~ 恭喜! 恭喜!

新嘅一年，點都要做返一日Optimist! 恭喜發財!恭祝大家都發財! 恭祝大家萬事都日立不倒! 恭祝大家都日日都有餘!恭祝呢個世界‧地球‧宇宙都有一個好未來! 恭喜! 恭喜!

報

香港人嘅求知慾一向都好強，往往都唔會放過每一個探索新野或新聞嘅時刻，唔同層次有唔同需要或要求，睇吓本港報紙種類、電台、電視台同其他各式各樣報導新聞媒體就知~

相信唔少人都試過飲茶等位或等人嘅經歷，一個最無奈兼無聊嘅行為，而係呢種情況下，講到解悶良朋...相信都非報紙或報刊莫屬~ 曾經都疑問過... 到底點解可以係一個喧鬧聲禁重嘅環境下閱讀而又有思考嘅空間?!

直至近年需要早上踏上MTR，答案終於得到解脫... 睇住每個人都腫口腫面禁緊縮住身軀，感受住強烈雜聲、壓迫力、搖擺不定車廂、混沌空氣(口氣&體味)等等... 同時間又要控制住身體嘅平衡力，免得比人大叫非禮(特別男生們)。但無論環境有幾拙劣，一群求知慾強烈嘅份子，簡稱「知慾強」，佢地都唔會放棄求知嘅慾念... 係禁緊迫嘅情況下，身體唔郁而雙手都重可以批黎批去禁不斷”番”閱個份免費報刊。

「知慾強」嘅能耐真係唔可以睇少，環境越混亂佢地嘅求知慾就越強烈，但對佢地嘅感覺就等同於遇到有幾條友係人山人海嘅花市內吸煙無乜分別，係唔係禁有需要呀~

釋

甲: 「您係咪有d 精神錯亂?」
乙: 「唔係~ 您先係!」
甲: 「哦~ 其實精神錯亂嘅野，唔係在乎自己點睇，重要係在乎於旁人點感覺!」
以上係咸風年前林海峰同葛民輝嘅一段對話，膚淺得黎帶點意思~

做錯事時，人好仲意亂禁去解釋，感覺就好似~
甲: 「您係咪錯先?」
乙: 「係禁嫁啦~ 唔通………… 呀?! ………禁~ …………… 下刪百字~」
最後通常會加句「係唔係你有問題呀?」，係呢個時候~
甲: 「哦~ 其實「對錯」嘅野，唔係在乎自己點睇，重要係在乎於旁人點感覺!」
當堂呀「乙」就會停止亂禁去解釋或講少好多廢話… 因為個腦需要轉(消化)呢句回應，最常見嘅情況就係”death air”一兩秒，再作簡短嘅應錯~

本來就係「錯」，根住就解釋到無「錯」，有機會嘅話最後再應「錯」~ 大至國家，小至個人… 錯! 錯! 錯!

耳

經過短時間嘅衝刺力，中國經已衝咗去前線，唔洗講咩~ 睇劉翔就知~ 當然表面上劉翔嘅成功同中國嘅現況可能係完全兩會事，但很定佢地都有一樣共通點 - 「聽」。

每個人都有一對耳仔，除咗用黎釘、擴、掛、咬同拔之外，耳仔嘅唯一用途就係聽野。本國亦好注重呢樣要點，可能因為禁… 某國企亦係二月份出咗部靚「耳機」(earphone)，二話不說，琴晚就走咗去整返部，一聽之下~ 發現質量真係同Shure E3c不相百眾，音樂感仲要強d，而價錢方面就平成半! Made In CHINA嘅威力真係非比沉常! ………………… 講講吓好似係到分析禁…

講返轉頭，點解上班時間打咗篇禁嘅野出黎?! 佳因依加嘅狀態係「無野做」。