婚

早兩日，去咗一對同學嘅婚宴，郎才女貌就不在話下~ (雖則話依加注重郎「財」女貌多d…) 要講嘅係… 呢對新人都可算係一對dream couple，因為係中學時期，相信每位同學都只能係夢中先會夢到佢地會係「一對」。

係依稀嘅記憶間，新郎哥都幾鍾意adidas呢個牌子(打波成日著)，可能亦因為禁~ 佢將”impossible is nothing”發揮得淋漓盡致~ 最終佢得到佢應得嘅~ good job! =)

無可厚非佢地真係好襯~ 一對永不分離相之餘，亦帶點水溝麵粉嘅感覺(實溝到)。係整日睇住佢地嘅同時，另一方面隻眼又開始觀察身邊嘅同學，分析仲有邊個係鐘意adidas~ 但最終都係無線索，當然好可能只係走留眼，但如果邊位兄弟都係鐘意adidas嘅話，記住要鐘意埋nike~ 禁成功嘅機會又會大d，just do it~ because impossible is nothing!

樂

係繁忙嘅日常生活內，聽聽音樂亦可算係一項令心情舒緩嘅行為，而係成萬上億嘅歌曲群中，”Time of Your Life” 都可算係百聽而不厭~

為咗唔想強制性而死咕咕禁令呢個blog有音樂，因此放咗個”Music button” 係左上方，但又經常性忽略咗「佢」，之但係又會不以為然地經常性禁換button內嘅音樂~ 唔通真係連按吓個鈕嘅時間都無?! 定係根本好少放時間去返「卓」個blog~ time of my blog…

___________________________________
Another turning point, a fork stuck in the road.
Time grabs you by the wrist, directs you where to go.
So make the best of this test, and don't ask why.
It's not a question, but a lesson learned in time.

It's something unpredictable, but in the end it's right.
I hope you had the time of your life.

So take the photographs, and still frames in your mind.
Hang it on a shelf in good health and good time.
Tattoos of memories and dead skin on trial.
For what it's worth, it was worth all the while.

It's something unpredictable, but in the end it's right.
I hope you had the time of your life.

It's something unpredictable, but in the end it's right.
I hope you had the time of your life.

It's something unpredictable, but in the end it's right.
I hope you had the time of your life.
___________________________________

渴

123 除咗可以玩紅綠燈，更可以用黎食鑊金~

見呢排灰灰哋就單拖食咗個”sure win” 客套餐，大薄批+意粉+湯+氣水，除咗氣水，全部已成「謂」中物~ 依加飽就不在話下，但有一個大大嘅mistake 係食之前無考慮過，就係口渴嘅問題~ 將味精呢樣野忘記得一乾二淨… 依加嘅狀態係非常飽+;非常口渴~

可能要根除個套餐嘅意願，飲埋罐氣水，禁就可以解決口渴嘅問題~ 但無奈又無禁嘅勇氣，最終都係擺「佢」埋一二邊，飲d水穩陣… 口渴要飲水，之但係個肚又無多餘空間去裝水，點算?!

呢個故事教訓我地; 吃得pizza底得渴，做萬事前都要清楚後果，否則就要承擔後果嘅一切~ 多謝!

尾

數吓手指都過咗幾個禮拜空蕩蕩生活，每日起身第二件事就係嘆柸咖啡，暒吓神~ 而每每一到夜深又會整返幾柸，殺吓神~ 括除經濟問題，呢種生活模式過起黎真係幾爽…

日復日‧夜復夜，開始感覺到「多吃懷肚皮」嘅真諦~ 亦明白到「休息」同「窒息」就只有一字之差… 多野做嘅時候，只要有半日空蕩都經已覺得好爽，好老「肚」~ 就講話呢段野都用咗三日去完成， wake me up when January end…

訓

係夜闌人靜嘅深夜，面對住漆黑一片嘅房間，耳仔就會變得特別靈光，聽住廳堂內嘅魚缸滴滴咕咕嘅水聲、街道上各種車輛嘅引擎聲、夜遊人嘅談話聲、乘客落車嘅關門聲、間唔中嘅一下狗「肺」聲、自己郁動嘅雜聲同鬼魅而無根源嘅樓上波子「滴滴達達」聲~ 等等…

如果大家都比以上某幾種聲音係深夜圍繞住~ great~ 禁正明訓唔着，即係「失眠」! 點解鑊鑊都係第二日需要早起時嘅前一晚先黎失眠~ 最重要係訓唔着嘅同時個腦又要係禁轉，所以最終選擇起身打吓野，接著就會返上床等個腦自己繼續轉，最好轉暈埋，醒嘅時後就係第二朝~

悶

突然心血來潮想寫吓野，但又無乜方向… 係呢排接觸少咗?! 定係因為對打野已失去咗熱誠?! 頂~ 其實兩者佳否，最大問題係實在太耐無打野，生疏咗~ 懶得用腦去諗野~ 亦因為實在太多野想寫而又唔知由邊日開始寫起好…

好~ 不如就由今日開始~ 十二點鐘聲響起，就係禁「典」咗十幾廿分鐘，之後出街做野，就係禁「蕩」咗幾個鍾，值到剛剛開始打野，個腦就「轉」咗幾分鐘，在不久嘅將來，即係幾個鐘後將會出去「戲」幾個鐘~ 多得「了哥Bday」! 最後應該係返屋企訓幾個鍾，禁就一day…

港

近兩年經常係唔同媒體上睇到有關討論「港男‧港女」嘅標題，每次睇/聽到呢d題都會好自然地”turn off”，因為覺得好「把鬼」。直到剛才晚飯時，睇到香港電台嘅一個節目，題目竟然係「港男港女」…

係節目上睇到幾位成功女士嘅訪問，外表上姖地每位都稱得上為「單身女強人」，可謂「單身女強人」?! 據了解，無經濟壓力而年齡有返禁上下嘅女性 或 無經濟壓力而個樣亦有返禁上下嘅女性，都可配上「單身女強人」嘅稱謂。好認同姖地對香港「男士」嘅睇法，「十吓十吓」、「無方向」、「膽小」、「唔夠細心」同「無主見」等等…等等… 而男士們普遍又會回應吓姖地~ 「高挑」、「名牌主義」、「自大」、「多意見」同「大花瓶」等等…等等…

Anyway, 用心再睇多一次以上嘅”point”，發現香港/現今男女之間嘅角色係咪轉咗?! 睇落去好似女士們都強壯起黎，而男士們都軟弱咗~ 是好是懷就唔知啦~ 但起碼速進咗一樣野，一樣女士們經常掛係嘴邊嘅四字詞 - 「男女平等」。

咩叫「港男」，咩叫「港女」?! 好簡單，一日到黑都話「港男」乜好乜懷嘅女士就稱之為「港女」，而三日唔埋就話「港女」乜好乜懷嘅男士就稱之為「港男」… 其實大家有無真真正正禁分析過或感受過其他國家嘅男女性格同行為呢?! 一日到黑唔出聲、無主見、無打扮嘅女士係其他唔同國家多得很; 好細心、有主見而無錢嘅男人亦多的是… 妳/你會鍾意嗎?!

要選人嘅大前題係人先得要選你!

活

呢幾日實在係發生好多事，亦發生咗好多個第一次… 如果由上個weekend開始講，禁就大鑊~ 起碼要用成晚同成板先可以完完全全地表達得出，無謂…

用蜻蜓點水嘅方式表達就致好不過~ 首先係返老家，其次係行機遲滯，再打後係失業，講到禁~ 都無咩可補充… 每年嘅年尾睇大事回顧，都可算係一個唔錯環節，但真係從未試過回顧個自己，畢業後好似好多野都直得回顧一番，係新鮮感定係層面多咗?! … 鬼知咩…!

每次返大陸都有種「您睇我好，我睇您好」嘅感覺，睇住人地住得舒適亦玩出式，係就係無本省禁多采多姿，但講到尾呢d可能係我地自己一相情願嘅諗法，人地根本就無五光十色嘅慨念，「平實」就係五光，「滿足」就係十色… 至於佢地睇我地又覺得好爽好嘆，無錯係「嘆」! 佢地亦唔知此「嘆」係嘆氣個嘆~ 真灰!

稱得為「動感之都」嘅香港，實際上可謂「廢」… 唯一可以話嘅就係，香港確實有好幾間「動感影院」，坦白黎講又離唔曬題… 唯獨港人功力~ 除咗金融行業之外，本省可以話係一無所有… 但不久嘅將來，呢舊金就會溶(融)，美好前影…?!

每個香港人都生活係工作之下，凡事都工作為本，年青人要四處搵工作經驗，年長一輩又驚無工作，老一老都要有份工，退休就等同「不舉」(無x用)，話係話其他國家都係禁，「返工」更係生活上重要嘅一環，但我地唔同之處係… 我地只有「一環」，而人地係「其中一環」，灰~ 唔好話旅行，就算話要連續放幾日嘅機會都要等幾年先得一次，當然~ 唔排除好多人鍾意熱鬧，年尾一堆人禁堆埋去d東南亞旅點…

普遍每日又要做成9-10個鐘，總之時間同人工係永遠不成正比，除非您係「大大粒」，如果唔係都幾難有時間去培養其他工外興趣… 每馮星期三晚9-11pm都會去做球類運動，連做一項禁簡單嘅運動都要set係傍晚，真悲~ 用盡所有樂觀力量一諗! 都好~ 起碼清楚每日都有2小時私人空間…