九

二零零九年度第一編字。

人越大越感無知，身邊所謂嘅知識能士，到底有幾個係確確實實才思滿瀉．．．便可能，全都係我一相情願嘅想法，來說是非者，便是是非人，「智障」嘅係我。

新年流流，作為一個「我」，無理由係咁插自己．．．都係時候設立一個吖豬吖狗都有嘅'2009 to do list'，excuse me~ 我就係「 吖狗」，但並非一條狗。

首先我唔會去希望係呢一年裡面做任何事，因為「希望」即係「盼望」即係存在「不可能」嘅成分，而「不可能」係吾字典裡只係解作「懶」。何況，我打算係今年內要做嘅野都只不個係一Ｄ能力範圍內嘅行為，又唔係去整飛機大炮，因此根本唔需要用到「 希望」兩字。

廢話少講，今年確實要睇多少少書，上年可以話接近閱讀空檔期，極其量都係每日一 報，但報紙始終係報紙，仲要係「香港」報紙．．． 接著，做人嘅野，識停就係好嘅開始，再加上要做多Ｄ運動，如果再咁落去未發圍便先發腹。再落黎就係要落行貯蓄行動、寫多Ｄ野行動、畫多Ｄ野行動、減少special moments行動、做多Ｄ freelance行動、下刪成百上千個行動．．．問我怕未！

最後，我會去珍惜同愛護我身邊嘅家人、愛人同朋友，多謝!