震

呢排坐正地震中央，一切都只好隨遇而安吧．．．死士主要任務大概也只有「死」！ 萬事有起就必有終，因此「驚死」並唔係可以當作一個拒絕嘅理由，極其量都只可作為一個逃避嘅藉口。

最近生活上嘅乏味又再次湧現，好大原因係關於銀根短決! 被呢樣野困惑多年．．．年尾流流，咩野都錢字行頭，咩海嘯都係假，今年唔同在多咗人陪，一起過一個白（空白）色聖誕吧!

香港地，本來無錢嘅人就繼續窮，因為佢地根本無機會去投資（機），而有機會去投資（機）嘅人係呢一刻亦成為窮之一族．．．咁諗法可能可以令自己舒服Ｄ! excuse me~

感覺人生越嚟越沒趣，金錢占嘅比例實在太大，甚至可以超越親情，年中幾多因為爭產而親屬對搏於公堂，為咗Ｄ自己（人類）製造出嚟嘅野（＄）而反目成仇，實在不智！

(兩日後的話~)
上文打打吓停咗，依加繼續．．．
今日收工後會去食飯（做冬），今年同吖媽再次分隔兩地，因此，做冬地點同人物都與以往不同，但意義不變~ =)
仲有幾日聖誕就來臨，８日假期亦會隨著而來，但到呢一刻都尚未決定去邊，亦係目前最煩惱嘅一個問題！

（3hours later) 啱啱完成咗公司聖誕派對，又上天台影咗“炸”格仔照，陽光普照!

雖然係斷斷續續，都算係咁啦，佬肚Ｄ講聲「總好過無」。