番

就係咁，就快成個月，如果係呢一刻都唔記載吓呢個五月人份，好驚呢個blog就此玩完。人嘅惰性可以好可怕，一放開假，就難回頭，呢個亦係成個月都無接觸過呢樹嘅最大原因！廢話少講﹏

今個月最大變動莫過於有咗個全新工作芳，新環境內，每個人都擁有著同一個teen空，canteen的空間也...

唔好話內裡食物千篇一律（基本上成個世界都係咁上下），就講話個環境都夠攞膽，每日同一條路徑，同一張臉孔（其他部門唔認識），陽光坐室外，下雨坐室內，基本上活動範圍就係一個立方體內，當然，可以跳出呢個立方體，都係果句「人嘅惰性可以好可怕」，走得去邊﹏

無錯，以上就係新工至敝之處！致於最最最好嘅環節就係「五日工」，當今世上，時間就是一切，呢幾個禮拜真係搞多咗好多野，好似上個週末，久未嘗試地一下子瞓咗十六個鐘，電話內幾廿個miss call，其他來電唔好講，吖媽見一路都無接聽，仲以為我睡入暈迷，都話平日睇少啲悲情新聞...

講番轉頭，原定話要將間所謂「工作室」大搞，最終都係原封不動，當中最大原因都係一次錯誤嘅決定「遊船河」，再一次認証「多女」兩字永遠都係一個相反詞，無可厚非，依加多人用咗「有女」，起碼合情合理啲！就係一次決定足以致命，當日明明係陰天，點知陰陰下變咗爆晒！短短不足一小時，成個身軀經已被燒傷，之後兩日假期如同虛設，留守家中開行冷氣擦行lotion去降溫，瞓唔安食唔落，就係咁去迎接新工嘅來臨。